返回列表 回復 發帖

柴娃娃搞旅行: 加拿大Okanagan之spa篇

本帖最後由 牛王妹 於 2015-4-2 12:37 編輯

老友結婚了,重揾我哋一班 girl friends 幫手兼做伴娘,我哋當然一口答應啦。但點知原來佢要返老家溫哥華擺酒,我哋成班小女子當然牙痛咁聲。不過冇法啦都應承咗咯,唯有一齊諗吓婚禮完畢之後有乜搞作,一於唔好浪費咗張機票同成班人去玩嘅機會。



正所謂人多意見多,真係順得哥情失嫂意,點好呢?唯一大家同意嘅就係一定要嘆,唔要辛苦。事關幾年前我去温哥華都跟過團去 Banff,真係超辛苦,走馬看花唔在講,日日6點 morning call 先攞我命,所以我話過唔再跟 D 鴨仔團㗎嘞。




最後揀淨 Alaska cruise 同一個 Okanagan wine & spa tour。Cruise 嘆就係嘆,但係班女子組怕凍兼嫌佢悶,而 wine & spa 係潮流所興,雖然貴過 cruise,但肯定啱我哋呢班女人多 D。本來意見都係 50/50,但當我哋上網睇到個團住嘅 resort 之後,全體就舉腳贊成,決定揀佢。點解?咪就係 Swarovski crystal 嘅魅力囉。網上話呢間豪華 resort 除咗面積勁大之外,大部份房間都望到湖景,最重要係用咗3百幾萬粒 Swarovski crystal 嚟裝飾!真係豪華到呢… 事實証明,我哋一衆女子入到大堂就只係識得嘩嘩聲,成班鄉下婆咁,真係失禮。不過唔怪得我哋架,間 resort 真係好正!




講番轉頭,伴娘呢份工真係唔易做㗎,我哋都好期待徐任務完成之後可以真正 relax 吓。






話說我哋一行6人參加咗間叫 Roadrunner Active Holidays 嘅旅行團入内陸湖區 Okanagan。原來內陸天氣比温哥華更暖更多陽光,沿途風景又靚,最正係車程只係幾粒鐘,眨吓眼就到咗。

終於去到期待已久嘅 resort,佢哋嘅 Kurspa 真係名不虛傳!





淨係做桑拿,steam bath 同 massage 都可以玩一日啦,唔好計重有個室外鹹水泳池,最好喺日落時份,喺泳池邊一路飲住香檳,一邊欣賞山下嘅靚靚風景,真係超正!呢間 resort 有兩樣嘢好特別,一定要講比大家聽:首先,佢哋有種冷凍桑拿聽講對身體好好㗎,可惜我哋冇敢試,事關堶惚Y零下110度,真係聽見都打冷震,我就冇勇氣入去嘞。其次係夜晚有段時間叫 European hour,住客可以選擇唔著衫去做桑拿。唔駛講我哋梗係心思思想去見識吓啦,不過肉帛相見喎,我哋接受唔到囉,結果梗係得個講字啦。
返回列表