返回列表 回復 發帖
本帖最後由 chungbo 於 2013-7-11 13:11 編輯

長灘島 - 潛水初體驗


話說,上去柏 x 比埋 package 的尾數後,曾先生見大家都有時間,於是就打開位於其背後牆上的大電視,並播著一班人潛水時的片段,見到佢地玩得好開心同埋水底真係好靚。


我當時話 : 「嘩!曾生,靚係靚,潛水貴野黎喎!我冇錢架!」


跟住佢就話 : 「喱 d 係體驗潛水,唔貴,我地同果邊一間潛水舖好熟,大家講好左,如果我地 d 客係香港一早預訂及比錢的話,只係收 $400,包晒教學及所有裝備費用;如果去到果邊先 walk-in 參加就公價 $600。」


聽完佢講話四佰蚊,真係心郁郁想試下。


但我同老婆都未試過潛水,始終有 d 擔心,當我仲係到諗緊好唔好去既時侯,諗住睇睇老婆佢意思係點啦!


魽I原來佢已經係到摷梗銀包比錢喎!


頂!今次我地又比曾生 sell 到,


不過,老實,係抵玩既。


好喇!返回正題 ...

行程中的第三日,是日陽光煦爛




在約定好的時間,見到 Michael 已在酒店大堂等著我們,佢話今日自己冇乜野攪,驚我地唔識路行過去 Station 3 果間潛水舖,所以過黎陪我地過去;原本我地就諗住沿著沙灘路向 Station 3 方向一路行一路搵,既然佢黎到,我地又見個太陽咁猛,不如就索性請佢幫忙叫架 tuk tuk 車過去好過啦!





Tuk Tuk ( PHP 60 ),約莫 7分鐘車程,到喇!




車就係 Main Road 度停,




跟住係要行一段路,





途經一個市集,聽 Michael 講,喱到賣既野係最平架喇!








直行,穿過埋喱條小巷,出面就係 Station 3  既沙灘





出到沙灘右轉就見到間潛水舖,
佢就係 Sands 酒店個地舖度




嘩!而家我既心情真係既興奮又緊張呀!




店內環境唔錯,幾乾淨,裝備都 o.k 新








先要簽免責







上堂喇!老師叫  Jason 係講國語既,佢首先就問有冇人唔識游水?

咁我老婆同個 Friend 就舉手喇!心諗 : 「唔通唔比玩?柏 x 曾生話冇問題架喎!」

跟住Jason 就好優默咁講 : 「唔識游水唔緊要,而家你地係黎潛水唔係游水,一陣係會著住件救生衣 ( BCD ) 既,佢係一件可調校浮力既背心,而且每兩個人就有一個教練跟住,而裝備既用法我只係向你地作出介紹,一陣係唔需要你地實際去操作既,你地只係要放鬆心情去欣賞水底既景色就得;同埋我比手勢你地時記得望住個鏡頭,因為我會同你地影相同埋拍片,不過隻光碟係要收番錢,每 Pair 人都會派一隻,總共係 PHP 500,有冇問題?」

聽到之後,每人 30 蚊都唔駛,我地梗係話冇啦!




跟住落黎我地就學埋水底手勢及安全守則之類






本帖最後由 chungbo 於 2013-7-11 13:12 編輯


好喇!上完堂,各人穿上潛水衣,腰間掛上鉛帶;






跟住就步出海灘,我地先要係岸邊淺水區試用裝備、手勢應用,同埋做緊急情況演練,待全部人都 o.k Pass 後 ,就上船出發喇!




船已行駛了 10 分鐘左右,當時大家正討論著點解咁遠既,我地全部人都未試過潛水喎,咁遠咪好深水囉?


沒多久,船終於停了下來,各人穿上所有裝備,並分別坐到船頭的兩邊,4 個人面對面,你眼望我眼;

此刻,大家正想縮沙之際,我突然聽到其中一個朋友,哇!的一聲之後就被推進水裡,


『嘩!我好驚呀!大佬,你地都係求財 ja!錢我照比,我都係想返上岸喇!』,在我此話未出之際


我們已在教練們的「協助下」一個一個地 ...


噗通!... 噗通!... 噗通! ... 隨著幾聲由船上番背式的落水聲後,各人均安全落到水裡,


跟住落黎,我係水裡面係講唔到野既,就請各位用眼看看吧!桀桀!



























  













快樂既時間過得真快,我地慢慢從海底回到海面時,職員拆除各人的氧氣樽再交給船上的另一職員放在船上,跟住我地再返上船,坐穩後就回航;


回到潛水店外,由職員幫忙除去身上既鉛帶、BCD 背心 及潛水衣後,便交與工作人員清洗;自己就在店外沖身處沖洗一番








唷!「體驗式潛水」真係好玩,超值呀!總之就係不枉此行啦!

各位到長灘島時,也應考慮玩玩,因為全程由教練帶住同打點一切,所以真係冇難度;而根據我的初潛體驗,只要唔好太緊張,同埋依足教練指示就能夠享受到海底世界的樂趣。

海底餵魚, 好玩啊!
矢志黄河戈壁,
沉溺國產佳釀!
堅持工作兒戲,
熟睡藏經閣內...
本帖最後由 chungbo 於 2013-7-14 18:39 編輯

長灘島 - 浮潛樂


行程來到第四天


今日我地有一個在 Package 內已包上的活動,跳島遊


在約定的時間到達了早前的潛水店集合,之後就步出沙灘上船




這是柏 x 自己在長灘島的專船,而今天上午就得我地四個人,所以唔駛等,出發。







船程 15 分鐘,先到此行第一站 Crystal Cove ( 水晶洞 ) ,登島費 PHP 200/人







其實島上就冇乜野好睇既,只係有 d 石砌建築物咁啦!




風景唔錯既





聽導遊 Michael 講對面喱個係新開發既「第二水晶洞」




跟住一行人就由地面經一條好窄既螺旋樓梯落到地下的一個岩洞










最過引就係有得跳落去遊水,嘩! d 水好清、好涼,不過就咸左 d




地面有少少濕滑,行果時要特別小心





係島上參觀左約莫一個鐘到就落返沙灘






周圍影下相,之後就上船出發去尾站 - 浮潛






5分船程,我們就停在長灘島的 Tambisaan 海灘外,待固定好船身後,我們已急不及待地爭著下水了




這裡的海水很是清澈




真係有很多魚仔







不過,這帶水域水流很急,太太不時要捉著繩索以防被海水沖向岸邊











熟水性既導遊 Michael 正潛入較深水的地方,試著找來海星之類給女仕們拍照





大家都玩得好開心,潛下,又上船抖下咁玩左成個幾鐘頭











12:30 返回岸上





正午時份,長灘島正展示出一種,寧靜的美


長灘島 - 食為鮮



這次從長灘島回來後,對關於在旅遊中的「食」 - 有了一種新的體驗;且就讓我以這篇網誌來同各位網友分享一下自已的睇法吧!


計劃要去長灘島自由行的朋友,想必大家也有一個共通點,就是上網尋找資料及看看他人寫的遊記,而當中最多人關注的應該就是交通和飲食資訊。


從網上得知,長灘島的特式美食特別多 ,因此在出發前手上已準備了一張島上食店的名單,從早到晚包括宵夜及下午茶的排到密麻麻,資料均是從網上經我們「千錘百煉」過濾得來,內心已不期然地嚮往著這小島的美食。


就在這刻,我已不自覺地跌進了「有所期望」的陷阱裡;我已經忘記了去旅遊的義意就是要以尊重及開放的心態,去體驗異國的景色、風俗習慣,當然也包括飲食文化。


我拿著了這張「長灘島必食」的秘笈,我已經不是去旅遊了,而是為了去完成「任務」啊!


秘笈變成了枷鎖,它囚禁著我的心,也因此,在這次長灘島上的「任務」,我便得到了「期望落空」的教訓。



記得,有網友分享過一句說話:『旅行是去自己想去的地方,而不是去一定要去的地方。』



不是去「一定要」去的地方」這句說話的意思就是叫人不要「人云亦云」;應要去自己想去、應該去的地方,而不是他人講的「一定要」去的地方,這樣才能享受旅程、享受自己精彩的人生。



現在,言歸正傳 ...




黃昏的時侯在長灘島的整段白沙灘,即由 Station 1 至到 Station 3 的沙灘上,張鑼著各式各樣的餐廳食店,有燒烤、韓式的、泰式的及西式的等等,真可謂花多眼亂。

但根據我們這次「食任務」的經驗,各位網友實在無需多心費神,以香港人的口味來計,這裡食物的質素和味道不會有太大的驚喜,但放心,一定唔係難食個隻,我會用 o.k 來形容啦!


就請隨意地選擇一間當時自己喜歡的食店,安然的坐下來享受一下旅遊的樂趣吧!






到步的第一晚,我們選擇到 d' Talipapa 食海鮮


從 Regency 酒店行出沙灘路的方向之後向左邊行,就在這招牌處左轉





進入這小巷








巷內的兩邊有很多店舖,售賣著
T-shirt
、漂亮的布袋及特式的紀念品等等







一直向前行,見到喇



  


這裡叫「Wet Market」,在一個四面開放式的大鐵棚內,有著一排一排的檔口






睇睇價錢先,唔係平架!各位記得要講價,要比佢地知你係香港人 ( 識食,但係好窮 )

之後的成交價約係他們開價的六至七成就差唔多喇!









這市場裡有游水的海鮮




亦有冰鮮的






好!等我講下價先,

嗱!大家睇下,個賓仔比我講價講到對眼都大埋呀!

但請記著,講價係要有技巧既,我地一定係要好開心笑住咁討價還價,千其唔好講到好似嗌交咁 - 講 ( 唔賣就算! ) 之類的說話,咁大家都會開心 d ,自然價錢都相宜 d  啦!




我們就在這 29 號檔買了些大蝦和肉蟹,因他們的減價幅度亦令我們滿意








而這 18 號檔是專賣貝殼類海產,他們討價都算老實,因此我們之後的數餐有關貝類的,全部由他們包辦

蜆 - 開價 PHP 200 / kg ,後減價為 PHP 100 / kg






螄蚶 - 開價 PHP 300 / kg ,後減價為 PHP 150 / kg





- 開價 PHP 100 / kg ,後減價為 PHP 60 / kg





這餐廳就正對著 Wet Market 的一角,因時間尚早,人客不多,所以我們揀好了海鮮才搵位坐低;

如果太晏去,就一定要搵左位先好去揀海鮮,否則會無位坐架!




















本帖最後由 chungbo 於 2013-7-22 00:03 編輯

加工費也不算貴





總數共 :  PHP 3040

( 冰鮮大蝦 8 隻、新鮮肉蟹 2 隻 ) - PHP 1430

( 蠔、鰤蚶、蜆 ) - PHP 470

啤酒、汽水連海鮮加工費 - PHP 1140

( 我的食評為: 食海鮮有海鮮味,80分 )














而家想先跳去講講我們這倘『食任務』的經驗先;

故事係發生係 d’Mall 沙灘路的熱狗快餐店開始,d’Mall 裡頭的希臘餐廳、西班牙餐廳,之後仲有一間叫 Aria 餐廳係食 Pizza 既,我地已經唔想再試,係 Main Road d’Mall 既燒雞檔;在 Station 2 近 Police Station 那的另一間西班牙餐廳,全部都是在網上大有名氣的、叫人必定要試的食店。

注意 : 我並無說這些餐廳的出品難食,只是這種質素則無需要專程光顧,如閣下是剛巧經過這些食店門囗的話,那就試試吧!


事先聲明,由於每人的口味不同、國籍不同、喜好不同,甚或是在我光顧上述食店時的廚師已不同;因此我也只是分享個人的味覺感受而已,並且已沒有計算價格的因素在內。



d’Mall 沙灘路的熱狗快餐店,就在 epic 前面




熱狗快餐店內牆上的掛畫




這店的熱狗在網上被評為款多及好味,自己除意加上喜愛的醬料 ( 我的食評為: 普通熱狗一隻,60分 )








芒果沙冰、菠蘿沙冰,( 我的食評為:鮮果味不夠65分 )




夜裡 d’Mall  人流不多






d’Mall 裡頭近摩天輪的西班牙餐廳

這店的『西班牙海鮮飯』最出名 ( 我的食評為海鮮飯味咸、無鮮味,55 )




d’Mall 裡頭近摩天輪的希臘餐廳


這店的 『Pita 餅』、『沙津』、『雞捲』、『意大利麵』及『火焰芝士』最人氣 ( 我的食評為花樣多多,了無一實,55分 )




d’Mall 的 Budget Mart 超市出門口轉左面方向的 Main Road 的燒雞檔







燒雞 ( 我的食評為:完全冇雞味,肉質鞋,50分 )





Station 2 與 Station 3 交界的另一間西班牙餐廳,就在這路口左轉




跟住一路直行





先會見到「旅遊購物中心」的超市




之後會見到警署

本帖最後由 chungbo 於 2013-7-22 00:05 編輯


到喇!這店近期在網上成為大熱,美味指數名列 Ole 及 CYMA 之前;

既然係咁,我就講多少少





餐廳的情調幾好












麵包係送既,沾醬料來食 ( 我的食評為: 麵包鬆軟適中,醬料好味,70分 )




西班牙酸醬油鮮蝦蔬菜沙律 PHP 450 ( 我的食評為: 蝦無蝦味,蔬菜就新鮮爽脆,60分 )




西班牙海鮮飯、西班牙墨汁魷魚飯,細 Size 每款 PHP 820

( 我的食評為海鮮飯無海鮮味,墨汁魷魚飯無墨汁應有既鮮味,55分 )





紅燒牛舌 PHP 820 ( 我的食評為根本就無牛舌味,肉質太稔,50分 )





炸黃油魷魚 PHP 240 ( 我的食評為:唔似食緊魷魚,得好少魷魚味,太乾身,55分 )





隊 Band 唱歌幾好聽




上述幾間名店的食評已分享完畢,而家就講下其它



係長灘島搵食真係唔駛擔心,唔講沙灘上面,剩係 d'Mall 裡面已經店鋪林立





大大兜,好似 B 仔涼粉咁既雪糕新地 ( Family ice, PHP 399 ),夠晒 4 個人食





我地就叫左個細 d 既 ( Couple ice, PHP 299 ),當飯後甜品4 個人就岩岩好,味道方面 o.k 既

但我發現這小島上的這類甜食,他們是很喜歡加入奶粉來調味,就算係出面 d 沙冰店也不例外,我在叫沙冰時每次也要說明,「走奶粉」




行出去 Main Road 果邊就係個個都講既 Budget Mart
超市,這位置大部份時間都有一大班人集結,因為在島上酒店有為住客提供 shuttle 專車既都係呢度上落客;

除了遊客覺得這超市位置方便,那些在等候酒店專車的住客們,在專車未到時也會走入超市買下野,所以人流較多,排隊比錢就要耐心一點喇








其實離 d’mall 遠些少,有另一間較大的超市 Crafts of Boracay,呢間比較少人行,貨品都好齊全,價錢亦較便宜,而位置就在 Main Road 望向 Budget Mart 超市的左手面行多 4-5 分鐘










這天,我們又在 d'Mall 一帶流連著





Rate 4.8 大家真係要唱左錢先入島呀




跟住沿 Main Road 行向 Station 1 方向




係 Jonah's 飲番杯芒果沙冰,味道的確係比其它幾間的好

本帖最後由 chungbo 於 2013-7-22 00:08 編輯

係長灘島幾日下來都試過下其它食店,Station 3 喱邊都有好多




街邊小食也有幫襯下








有時就簡簡單單食個 lunch




食飽,行左一陣就係 Station 3 喱邊按下摩





晚上,從 Regency 酒店出外,呢個係另一個酒店出入口,外形設計幾特別




行出沙灘路很多餐廳也有 fire show




到處走走






呢間幾得意,餐廳門口擺放了很多食材,取了喜愛的




交給廚師們炒呀,炒呀,聞就真係幾香,食就?




宵夜,食串燒;好呀!但不要期望味道太好




呢間沙冰好似好多人;試過都係一般,但除後幾天都有幫襯佢,主要係佢近自己住的酒店,唔駛行太遠





呢杯 cocktail 幾特色,連埋個長長既膠杯買走,不過我冇試




又有 fire show










仲未諗到食乜,於是再四圍逛逛,行行下由 Station 2 去到 Station 1 既中段位置;

過左喱度再行的話就會冇咁熱鬧,於是我地又行番轉頭




其實真係有好多野食既,係自己花多眼亂 ja!

有自助餐 BBQ





有海鮮餐廳







睇到喜歡的就搵位坐低

好!就呢間啦













有一晚,在 Station 3 的一間燒雞連所店食宵夜




頂!d 雞好食過之前食過果檔燒雞檔啦




另一晚的晚餐又係過左黎 Station 3 既一間餐廳度食,兼有動物睇,不過影相就要比錢




喱度係食自助餐既,食物都 o.k





老老實實,食過咁多餐,我地都係覺得去 d'talipapa 食海鮮岩胃口 d

今次係沙灘路喱個入口,比先前我講果個仲近 Regency Hotel 一個路口,只係當時夜晚有點黑冇留意到




一路直入,就會見到喱個牌




本帖最後由 chungbo 於 2013-7-22 00:11 編輯

哈!我地又黎喇




都係蝦啦








蠔呀!背類海產之類,都係搵番前晚個兩檔,熟 d 好講價嘛





今次試埋喱隻,似係田螺之類,買左後,檔主會將佢地尖的部份劈走,佢話如果唔劈開就好難食到 d 肉架

  










總數共 :  PHP 2580

冰鮮
大蝦 8 隻
- PHP 900

蠔、田螺、細青口 - PHP 400


啤酒、汽水連海鮮加工費 - PHP 1280

( 我的食評為: 海鮮有海鮮味,80分 )



尾二果日,黃昏時份我們又在沙灘路上逛著,其中有朋友問到,今晚食乜好呢?的時候


  

我突然見到一盞明燈,我二話不說地從前方有條魚的招牌下右轉進入小巷




朋友們亦步亦趨








時間在一剎那間停了下來,跟著 ......
朋友們說:『唓,又係食海鮮呀!』




但在話剛說畢之際,同行的其中一名 『C 奶友人』已向著相熟的攤檔打著招呼;由於我們已成了熟客,因此他們所開出的價錢已相應變得柔和,減價空間亦有限了




我地揀左條游水石班 - 開價 PHP 1300 (一條),後還價至 PH 1100 成交

大冰鮮墨魚 - 開價 PHP 900 (一隻),後還價至 PH 800 成交

象拔蚌仔
- 開價 PHP 2000 (16 隻),後還價至 PH 1150 成交




嘩!個 C 奶友人咁講價法未有排講,我都係搵左位先喇











  








總數共 :  PHP 4475

( 石班一條 ) - PH 1100

( 墨魚一隻 ) - PH 800


( 象拔蚌仔
) - PHP 1150

( 蠔、螄蚶 ) - PHP 250


啤酒、汽水連海鮮加工費 - PHP 1175


(
我的食評為: 來長灘島都係 - 食海鮮好 ) 哈!哈!
本帖最後由 chungbo 於 2013-7-22 00:19 編輯

長灘島 - I Will Be Back


這單元已是我們與各位網友分享長灘島的謝幕篇。



零晨時份,被窗外下得如瀑布般大的雨聲所喚醒;


我小心的下床,生怕吵醒正在睡夢中的太太,因她著實睡得太甜啊!

坐到陽台的椅子上,我正抽著一根香煙,心內迴蕩著在這數天旅程中愉快的片段,

我發覺,我已經喜歡上長灘島了。




早上醒來,雨還沒有停下,其實這兩三日來的晚上及朝早也有下過一陣子的驟雨,只是沒今天的這麼大;

看來,長灘島真的準時地踏進雨季。




雨在早上的七時已停了下來;我們前去享用早餐





之後就沿著沙灘路前往我們還沒到過的 Station 1 最遠的那一邊







這位置是 Station 2  靠近 Station 1 那邊的一個盡頭,如欲窺 Station 1 的全豹,就要在前面左轉走出沙灘上去





跟著,就一路好走 ( 噢!啋!係一路前進,先岩 )




開頭我仲係到諗 .....

係我地臨走先黎落雨,唔通連個天都唔鍾意我地;

原來,凡事真係冇絕對架!


早前的一場大雨似是長灘島為了要我們留下美好的回憶,而刻意洗盡天上的烏雲,此時;他正在我們的面前盡情地展現出其燦爛的一面,他毫不猶疑地撐大了奪目耀眼的太陽,而我們就只能靠著戴上細少的、有若螳臂擋車的雜牌偏光眼鏡來偷窺一下他此時的美貌。




途經 ...

Jony's Beach Resort 這小酒店在網上的名聲很不錯


  


途經一酒店前於昨天建成的沙堡壘,很奇怪為何沒有被那場大雨沖毀呢




再向前走著




這間 Jonah’s 沙冰店,同時有提供快餐








這個就是聖母岩




這邊有著多間有名的高級酒店



Estacio Uno 當然要算上啦!










回望長灘




在網上見到有人提過 Station 1 既沙是最幼細的,而 Station 3 既沙就最粗;

但之前的數日,我們在白沙灘上來來回回走著,發覺它們之間的分別實在不是有那麽大;

原來,形容擁有好似麵粉咁細滑既沙,係指比較偏遠的 Station 1 這邊,真係所言非虛呀!




Two Seasons 也計算在內







當然唔可以唔提的 Discovery Shores Boracay





返回列表