返回列表 回復 發帖

11天北漏洞拉之旅 (2009)

11天北漏洞拉之旅

12-22.06.2009

第一天



香港去越南要2小時25分鐘,但我今天2小時就去到,真係好.一落機就感到好鬼熱,之後就乘車入大樓,開車唔夠3分鐘就落車,而過關和取行李都好快,估唔到效率會咁高.





一出機場就往右走,行 . 行 . 行去咗舊機場,問完路就是旦企在一旁等巴士,因我左望右望都唔見有巴士站或巴士的東西,在路旁一路等d汗就不斷流,終於15分鐘後見到架152巴士,我就揮手,點知有條友示意我走出馬路,咁我就照做,原來司機見到有客就會停在對面馬路開門比客上車,唔怪之得無站牌啦. 一上車諗住比錢啦,但司機叔叔又無行動,原來座在我旁邊的小姐才是售票的,我比VN$3,000佢唔收,又手指指我的行李,我都唔明佢做乜,於是我將手上的越南盾任佢拿,而佢就拿了VN$6,000,原來件行李都要收費,不過算啦,我+件行李都只是HK$3,如我乘的士要US8架.

大約45分鐘就落車了,在街上行都無人聊我租房,咁我就繼續行入條橫街,終於有條友聊我了,咁我梗係要先睇房啦,點知上完一層又一層,終於去到頂樓5/F,間房都算清潔又有冷氣,他開價要US$12,我還價US$10,點知他只肯減少少,最後US$11成交. 成交後才醒起唔記得問有無得上網,於是拿拿上取部電腦開機試吓,又得喎.



之後就行去一間 resort office,因早前 sent 了e-mail 同他們訂了住房套票,所以要去比錢,誰知聯絡開的同事放假,而其他人又唔知頭唔知路,唯有明天再去.手續雖然攪唔成但我都順便問咗路.

看地圖好似好近的檳城市場(Ben ThanhMarket),點知揾來揾去都揾唔到,最後就梗係要問路啦,雖然大家唔係好溝通到,但我一早影印定晒d圖,所以都無問題,但我發覺香港d旅遊書d地圖真係唔多掂,當迷路時,地圖上的地標我揾唔到,但當見到一個大商場時,竟然在地圖又揾唔到.攪到我要常常問路,真係煩.

晚上檳城市場內的檔口已關門,但門外卻開了一些像女人街的檔口和好多大排檔,但周身無蚊,乜都唔駛諗,在網上見人話在這市場附近有好多銀樓可換錢及對換率都唔錯,於是找了幾條街才揾到,US1 : VN$18,000 ,咁我就先換US$300,即有VN$5,400,000,當我拿上手數時,我竟然唔識數,要數了幾次先掂,都唔明點解d錢要有咁多個 0 ,好鬼煩.



有錢就梗係去醫肚啦,在附近找了檔好多人推介的大排檔,食海鮮是我的至愛,好多人會話一條友去旅行食就最麻煩,但對於我來說一d都無難道,因我一條友都可叫好多野食,今餐我就叫了一碟炭燒篇貝(d肉好細粒)+炭燒蜆(唔好食)+炒勝子(好味)+2杯蔗汁+一碗甜品(似耶汁大菜糕),一共VN$110,000





食飽飽行咗陣,就搭電單車去買明天的水上木偶劇的票,點知揾唔到,原來我f抄地址時,將28B-->288,最終司機要問人攪了一大論才將我送到去,而車資亦由VN$10,000變為VN$20,000,最慘我去到想買票時,售票姐姐話沒有預售,明天的場次明天才賣,唉,我唯有又乘電單車(VN$10,000)回 Sinh Cafe (旅行社) 報團.

明天8:15出發,參觀高台教和古芝地道 ( Cao Dai Temple & Cu Chi Tunnels (1 day) ),團費VN$140,000 (or US$8) ,但唔包午餐和地道VN$80,000入場費.

報完團就在酒店樓下買咗個外型類似煎堆的食物做宵夜(VN$2,000),另外再買咗支1.5L的水旁身(VN$6,000),因天氣太熱,唔太喜歡飲水的我,避免中暑,都唯有買支水.

11天北漏洞拉之旅

12-22.06.2009

第二天



今早6點幾就要起身,因要去 resort office 比按金,原本轆咭架,點知d職員唔係好熟部機的運作,於是我要比一半現金,另一半就去到 resort 才轆咭,大拿拿US$36,幸好我帶多了美金去.

之後就去到 SINH CAFE門口等出發,差不多時間有幾個去不同地方的團出發,每團幾十人,一條友的我,最怕聽唔明d雞腸唔識上車,最終梗係順順利利上車啦,很快就去到第一站,名義上是厠所時間,實際上是 shopping time,之後上車往 高台教 (CAO DAI TEMPLE)進發,車程約2小時,咁長時間就梗係最好瞓一陣啦,點知旁邊座了個死鬼佬,他和朋友由上車傾到落車,真係多得佢唔少,攪到我瞓得唔多好.

↓ 早上人頭湧湧的 Sinh Cafe


↓ 參觀手工藝廠


在車上涼了2小時冷氣後,一落車就感覺勁熱,但時間有限,唯有拿拿淋行快2步去影相,差不多12點就要入廟,因12點正會有一次讀經,而廟亦分男女入口,但唔知點解我從女入口入去時,比d女職員指我去另一入口,而那個男入口卻擺滿男男女女的鞋,於是我亦從此入口進去,奇怪地又無人阻難喎,真係不知何解.

↓ 高台教外貌


↓ 高台教內貌


睇了15分鐘就要走人,因要去食午餐,今餐是自費的,一看個餐牌就知大鍋,因我d雞腸實在太差了,都唔知有乜食,於是求其指了個 springrolls with rice ,最多唔好食就只食白飯,幸好原來是炸蝦卷飯,味道都ok架,而這個飯價值VN$35,000+一罐可樂VN$10,000

↓ spring rolls with rice


食完飯又上車瞓,粒幾鐘後,就去到古芝地道 (CU CHI TUNNELS),聽導遊介紹完再看一段video就開始行,其中一個洞口專比人企入去影相的,而我梗係唔拾輸啦,但因身型問題,上落洞口時真係有點難道,因要非常靠臂力.   另外亦有一段地道可供遊客行,對於我的身型來說,簡直 easy job ,對於好多人都話入內又黑又無空氣,我又唔覺有以上問題喎.

↓ 有得試玩梗係唔好拾輸啦


↓ 對我來說,原全無難度的地道


行到身水身汗,終於玩到下午5:00就走人,回到市區已6:30pm,一落車就打算搭電單車去 PARKSONPLAZA,因那個商場有個美食街和超市,點知個司機竟然開價3萬盾,我梗係唔理他啦,他見我唔搭就自動減價,但不老實的人,不論減價多少,我都唔會搭,之後都有其他司機聊我,可是全都是不老實的,所以我就諗住行過去,行吓行吓就去到檳城市場,求其入咗間 PHO 24食野,現在有很多套餐選擇,我就選了一個VN$39,000,有一碗粉+半生熟旦+甜品+茶,不雖加一,好超值.

↓ PHO 24 的套餐


↓ 3款套餐可供選擇


↓ 另外亦有較貴的4款套餐


食飽飽就搭電單車去睇水上木偶,點知又比我碰上昨天的司機,我梗係幫襯佢啦.去到水上木偶劇的售票處,竟然貼了 8:00pm  NOSHOW,唔係化又睇唔到,於是問吓售票姐姐,佢話今日真係無第二場,咁我問佢明天有第二場嗎,她又話無,咁我再問可否買定明天6:30pm那場票,佢竟然話得,天呀,昨天又話無預售,今天又比我買明天的票,真係比佢玩死,不過總算確定明天有得看,票價VN$65,000,大約看50分鐘. 買完票走出門口有檔買已切的水果,於是我又走去買了西瓜和菠蘿,然後取出一疊錢任佢拿她一共取了2萬盾,又幾平喎無p我.

↓ 水木劇入場卷


↓ 街邊檔的水果

買完水果又搭電單車去 SAIGON TAX TRADE CENTRE,因那裡亦有一間超市,我要去睇吓行情和掃定少少貨去 resort 時享用.一掃又成7萬盾.

掃完一大袋貨走人時,在門外看見一些夜景,原本我都打算搵晚去影相,點知又比我唔覺意看到,雖然手上有一大袋食物好唔方便,但我都唔理了,爭取時間影相要緊,話需我會在越南11天,但總覺得時間好像唔多夠.

↓ City Hall


↓ City Hall


↓ 歌劇院


↓ Saigon Tax Trade Centre


影完相又搭電單車回酒店,在酒店附近再買了個法包做宵夜,1萬盾抵到難,但味道就麻麻地,可能我唔要牛油的關係,個包好乾.

↓ 法包

11天北漏洞拉之旅

12-22.06.2009

第三天



今早6點幾閙鐘响,我因有點頭痛和太累的關係,繼續瞓,終於瞓到8點半先起床,而行程亦有所更改,由原本去頭頓改為市內遊.

一落樓就食個法包加一杯 ice milk coffee,個包無切開要我自已整,點知攪到好肉酸,至於杯咖啡,因一早叫咗少奶,味道都還可以.

↓ 一心兩用


↓ 我的是日早餐


食飽飽又搭摩托去戰爭遺跡博物館,個司機開天殺價,我睬佢都傻,可能在遊客區截車的關係,於是我一路行就一路問價,終於有個司機開價2萬,我還價1萬,點知佢死都唔肯話遠,最後VN$15,000成交.

戰爭遺跡博物館入場費1萬,門口擺了幾架飛機和坦克車,主樓共4層,但只開放地下和一樓,實物展覽比較少,大多數是相片附加英文註解,攪到我無乜心機睇,但有幾張相我就好鐘意,好有感足,之後就行過旁邊的困室參觀,但好失望無特別,在紀念品售買處買了一套相片,另外亦買了一些手信,在第一檔原價10萬10個,檔主已自動減價2萬,可是我話再平d都唔得,送多個又唔肯,於是走人唔買,誰知旁邊另一檔檔主拿計算機篤一篤,嗶!7千盾一個,最終我買了11個成交價VN$70,000 .到中午12點响鐘,d工作人員就趕人走.
(越南d景點分上下場,中午會放1.5hrs lunch time,但各景點開放時間又不同,所以去前要先做定資料搜集.)

↓ 戰爭遺跡博物館








午餐去咗網友介紹的 Thanh Binh食蟹面,因是看圖叫食物,但d相片質素真係麻麻地,基本上蝦蟹都睇到,但是河粉,米粉,麵就無法分便,於是又求其篤了碗蝦蟹麵VN$60,000 +春捲VN$18,000 + 菠籮汁 VN$25,000 +毛巾VN$2,000=VN$105,000,以一餐午飯來說不算平,但碗粉確實好食,蟹肉都算多但蝦只有一隻,,至於杯菠籮汁就好好味,反而個春捲就唔係好合我口味了.

↓ 頗貴的午餐,但好好味.


食完就行咗去檳城市場行,個環境仲哀過羅湖城,貨品款式又舊,又無冷氣,行個圈都流晒汗,但內裡有好多大排檔,都好多人幫襯架.之後就行去聖紅教堂影張相,這裡除了個正門外,真係無乜特別,平日又鎖住入唔到去,而旁邊就是中央郵政局,這裡比較古式,而且集多完化於一局,他除了寄信外,還有購物,打IDD,換錢和ATM提款的巧能,真係超級方便.(而我就順便寄了張postcard比自已,費用VN$8,000)

↓檳城市場內的大排檔




↓ 歌劇院


↓ 聖母大教堂 (紅教堂)


↓ 郵政總局外貌


↓ 郵政總局內貌     (寄名信片請往1號窗,香港郵費VN$8,000 一星期就收到)


行行吓見到一座佔地好大的building,於是就付上VN$15,000入去看看,原來這裡就是統一宮,裡面有些會客室,放影室,遊樂室和各式各樣的乜乜室等等.

↓ 統一宮入場卷


↓ 統一宮




行到累累地休息了一陣就走人,又搭摩托去食個早飯,因當時只不過是下午5點,這間店網友和旅遊書都有介紹,他出名燒烤和火鍋,而特別名菜是燒羊乳,但我今次就食了羊肉鍋VN$60,000,d羊無羶味,但就好淋,而職員亦會放下其他打邊爐配料,例如菜,麵,豆腐等等,總之食咗先會計數,而我就食了一碟筍VN$10,000和一碟菜VN$10,000再加多杯汽水VN$5,000,這餐盛為VN$87,000. (VN$2,000是那條濕毛巾)

↓ 好肥膩但又無羶味的羊肉鍋      (我估就是食了他個肚開始瀉)


↓ 餐牌


跟著就去咗睇水上木偶劇,上車時明明講咗10萬我才上車,誰知落車時要收我20萬,好哀唔哀我身上只得張20萬紙幣,唯有走去售票處找人唱散佢,再將10萬比司機後就入場睇show,而個司機就好無耐地離開.至於個show都睇得過,足本50分鐘,雖然全程越南話,但有時都有d歌聽吓,最佔唔到竟然有笑位,而台兩邊共有6個奏樂兼配音員,真係身兼多職,但表現仍然值得一贊,散場又在門口買了2舊西瓜,合共2萬盾.

↓ 水木劇


回到酒店樓下都未夠8:00pm,又要揾宵夜了,今次又食我最喜愛的海鮮,白灼花甲+炒螺,花合ok又無沙,而個螺就炒得好好味,2碟合共VN$70,000 .

↓ 宵夜


之後就去咗其他屋睇示範單位,好多房都只雖US$10或以下,但我還是比較喜歡我現住的房間,因比較大和乾靜.

11天北漏洞拉之旅

12-22.06.2009
第四天



今早又要6點幾起身,因要搭7:30am巴士往 MuiNe,但7點時有人來拍門,話我有個朋友在樓下找我,我就順手叫那位職員幫我拿行李下樓,雖然件野唔係好重,但要我拿下去都幾係野,落到樓下,原來是resort 的職員,她拿了張 換車票的 fax 比我,之後我就 checkout,有個唔多識英人的女人拿住計算機,篤一篤就顯示了30,即是話我住了3晚都只係US$30,早知唔駛在入住時講價講得咁辛苦啦,而且我更預訂了過幾天回西貢時的住房添.

攪掂晒就行去 sinh cafe,將那張 fax換成車票後就可上車,部車都幾舊,座我前面的座位,椅背會自動退後,攪到我座得極辛苦,不過那個男人都算有良心,每次他都會自動自覺把椅背拉直.車程大約5小時,途中放了一次厠所時間,而我在車上就睇了一套電影和瞓咗陣.

大約12點幾就去到,而我就book了落車行2分鐘就到的Dynasty Resort ,住一晚(US$40)+2個早餐+ 2 個午餐(US$10)+一個晚餐(US$8)+由西貢到Mui Ne單程車票(US$7) + Mui Ne local tour (約3小時)(US$7),合共US$72 (原本我只知總數,但去比訂金時,看見張單列明每個細數)

間房都好ok,但感覺有點舊,因是平房,所以無海景,出房門真係行10步就到游泳池,而個池就對著個無敵大海景,連餐廳都係對著個池+海,真係好正,但最哀就係房內無WiFi,上網就要出 Lobby.

↓ Mui Ne - Dynasty Resort 的房間


↓ 酒店向海的泳池


食完午餐無所事事就四維行,當然d電單車黨又點會放過我,雖然明天有個 local tour,但就只去幾處地方,於是我又用US$5,去了另外一些地方.

↓ Dynasty Resort - Lunch


白沙丘,好鬼遠,座電單車都坐了很久才到,一落車就影相,個司機又無話比我知可行到去沙丘那邊,當我打算走人時,見有其他人到,他們的導遊就帶團友行入去,於是我又跟著行,原來有條少路可行去沙難的,有個外藉人好好人,他見我玩自拍就主動幫我影相,
真係唔該晒.

↓ 電單車司機


↓ 白沙丘


↓ 白沙丘


↓ 白沙丘 - 我的足跡


玩完又出發去紅峽谷,司機突然在馬路旁停車,叫我自已扒落山行入去,但條少路好危險我行唔到,於是司機就扶我落去然後叫我自己行,條路人影都無個,行極都未見到個景站,在其他的網誌又話有好多細路出來搵食,我都諗住比錢他們賺,當搵個人幫我影相,點知乜都無,行咗成20分鐘,終於都見到了,原來我從山上去,其他網友就從地上行,唔怪之得條路有點不同.

↓ 紅峽谷


↓ 紅峽谷


↓ 紅峽谷 - 點可以唔簽個名再打返個腳印呀


一來一回都一個鐘,天氣又熱,真係出晒汗,之後又繼續行程,感覺好像去了沙漠,但就多了好多少朋友拿著滑沙版跟住,而我當然話唔滑啦,跟咗無耐,身邊d小朋友已散去,咁我又可以清清閒閒慢慢行慢慢看,但行上山都幾辛苦,不繼往上扒,d沙就不繼向後滑,再加上天氣又非常熱,所以往沙山一d都唔易架.

↓ 黃沙丘


↓ 黃沙丘


↓ 黃沙丘


影完相就回酒店,返到去都6:30pm,足足玩了3.5hrs,沖完涼就去食晚餐,全餐廳又係得我一個,今次又係食中餐,但都幾好味.食飽飽就去大廳上網打bolg,打到臨尾時,有條友要噴殺蟲水,於是就回房整理吓d相就瞓了.在臨回房前,問了接待處姐姐,我明天如何去另一間 resort,傾了好耐,最後她提議我試吓打去那間 resort 問一問,可吾開車到此酒店來接我過去,咁我就緊係請她幫我啦,而另一間 resort就回覆,要明早才可答覆.

↓ Dynasty Resort - Dinner
好有探險feel

11天北漏洞拉之旅

12-22.06.2009

第五天 (上)


           今天又係6點幾起床,早餐是自助型式,可是無乜胃口,所以只食了一個庵烈+半個法包+橙汁,味道就真係麻麻地,而且這2天都有少許肚瀉,等陣又要行localtour ,唯免不必要的麻煩,都是少吃為妙.


↓ Mui Ne - Romana resort & spa 早餐


準是8點出發去行tour,這個tour房租已包括在內,全團只有我和另一對外藉人士,人少少我最鐘意,第一站去FishingVillage(漁港),司機在馬路旁放下我們,落車往下望,就是那個所謂景點,每天漁民就由這裡出發去打魚,回航和交易,因此這附近的海鮮又平又好味.我見有一個婦人,買了一袋大約10-15條魚仔,價值VN$10,000


FishingVillage




第二站就去咗黃山丘,這裡昨天已來過,所以影少少相就算,但我就在這裡和那對外藉人吹水,他們來自那裡我就唔係好清楚,好像是swiss,因他們說英人,我唔係好明,只知他們坐了很耐飛機在馬來西亞轉機場到越南,在越南會逗留一個月,!一個月唔通他們是退休人仕唔駛做,但不是,只不過他們放大假,男的放5星期,女的就放6星期,香港人㵪慕嗎!


↓ 黃山丘









第三站去神仙泉 (FairySpring),司機在入口處放下我們,叫我們自已行,!點解我跟著d導遊都叫我自已行架,唔通我條命生成係咁.不過在入口處卻有很多小朋友會主動為你帶路,當然最終緊係要付出一些金錢啦,而我這些吝惜鬼梗係要打發他們,所以一落水時我就話無錢,我唔會比錢架,當時已打發了一大半小朋友,其餘跟著的小朋友,我每2步就講我唔會比錢,不出20步之內,他們全部散晒,而我就可自由自在地行,其實這裡只有1條水路,只不過可選擇向左or向右行,而其實那班小朋友已為我帶路,源路都是沙路+泉水,所以除鞋行會比較舒服,但就要小心,d沙好鬆,d水都唔會好深,大多去到腳眼位置,直至差不多到盡頭時,水深才會到腳眼對上1,那是d水就流得好急.


↓ FairySpring







第四站占婆塔 (ThePoSahlnu Chan Towers),現時只餘下3庭塔,是比占婆人用於祭神之用,入場費VN$5,000,平時各塔的門是鎖上的,在我們參觀途中,就有個人來打開最大那個塔門,給我們參觀.


↓ 占婆塔


11天北漏洞拉之旅

12-22.06.2009



第五天
(下)



行完4個景點回到酒店已11:40,一入門口接待處的姐姐告知,中午12Romana Resort & Spa的車會來接我,!我仲諗住沖個涼食完個午餐才走,點知突然走得咁急,大失預算,於是我問可否將我的午餐打包,因房租已包,正所謂食得唔好浪費,而且話就話房租已計,其實咪由係我自己比錢,於是姐姐就話打過那邊,叫他們遲20分鐘過來,咁我就拿拿淋回房拾行李,然後 check out,再食個 quicklunch,最後連個飯後果都唔食,就趕過酒店旁邊的Sinh Cafe 買後天去大叻的open bus巴士票,在那裡遇到2個香港人,可惜我趕時間,不能與他們詳談,回到酒店,另一間resort 的車已在等我,於是拿拿聲拿行李上車走人.


↓ Mui Ne - Dynasty resort Lunch


去到 RomanaResort & Spa check in ,見到他們手上已有一份有我名字的file,所以一擺低passport 就比 key我入房,這裡好大,d房依山而健,每房都對海和有私人泳池,而我亦是為了這個泳池,而專登訂這裡的,而且更因為這個泳池,我將行程改了.
當我一入到房,!間房好大,見到個泳池就,嘩嘩!真係好正,而且比我想像中還要大,再睇個厠所,嘩嘩嘩!好大之於還好open,天花是通頂設計,馬桶旁有條空qui,可望到正門外邊,但經我細心研究過,是安全的.當我安頓想去游泳時,泳池旁竟有幾個職員在除草,再細心研究,外人是可望入來或行入來的,所以不可裸泳和出入要鎖好各門.


↓ Mui Ne - Romana Resort & Spa - Ocean Dex.room









為了這次旅程,我仲專登買了太陽油和一套新泳衣,當所有職員走晒後,我就更衣蜴泳,!真係好正又好爽,我仲影了一些泳衣相和video,而這間咁正的resort,我只付出US$153,包括2晚住宿+2日早餐+1個午餐+1個晚餐,唔知大家覺得抵唔抵?我就覺得好抵,平時去台灣book3星酒店都要5舊水一晚啦.現在比多少少,就靚咁多,大家是否會考慮吓來一次le.
游完水想上吓網,點知上極都上唔到,於是走去接待處問,他們話是network 問題,如要用wifi   可到餐聽和大堂,真係比佢激死.
晚上7點就去餐廳食飯,點知他們的英文比我還差,大家溝通唔到,於是我走去接待處叫他們打電話去餐廳交代一聲,返轉頭就有得吃,全餐廳只有我一條友,好鬼靜,但食物就好正,全部都是即煮,鮮魷沙律+越南春捲+火鮮火鍋,另外我更叫了一杯越南咖啡with milk,但杯野好黑,都唔似加咗奶,但就好好飲,味道很濃有點mocha的味道,又有些甘醇,細細杯都夠飲,價錢要加一,合共VN$38,500


↓  Romana Resort & Spa - Set Dinner







食完飯就去大堂上網,點知上唔夠10分鐘就經常斷線,最慘是勁多蚊,而我是極受他們歡迎的,所以我座唔夠10分鐘已周身(),唯有徹退,自已部腦唔掂,就諗住用酒店的電腦啦,點知唔支援繁體中文,連睇報紙都唔得,最後早早返房開個word打住先.

就係咁就完結了行程的第五天

11天北漏洞拉之旅

12-22.06.2009



第六天


                                                      


今日set8點起床,點知6:45am自已就起鬼咗身,於是在床上典了大半個鐘才梳洗去食早餐,西式自助餐,但好似無乜好食,求其食少少就算,跟住就坐在餐廳上網,唔知為何,房內原全收唔到,露台就收到少少訊號但就用唔到,而大堂都收到7成但就好慢,唯獨在餐廳最流蜴.

↓ 晨早流流,我都未起床就已經有專人幫我洗泳池




↓ 早餐




↓ 我每早就是望著這個景食早餐




上網checke-mail 及打吓blog,之後就打算上網買張由Dalat回胡志明市的機票,一看,已漲價至700幾萬盾,在出發前網上價只需600幾萬盾,到達後入過d旅行社問,800幾萬盾添,但現在幾貴都要買架啦,除非我肯坐足一日巴士回去.但咁辛苦,我情願比多少少錢.當入晒所有資料後,我才醒起張信用咭放了在房內,咁無咭資料就緊係買唔成啦,唯有食午餐時再買過.


回到房換好泳衣就在露台晒太陽,但太陽伯伯唔知去咗邊,咁我唯有一路煲韓劇一路等,等等吓雨姐姐來找我,我焗住回房繼續煲劇,粒幾鐘之後太陽伯伯出來了,我拿拿淋出去和他見一見面再游咗陣水就夠鐘食午餐.


↓ 烏雲蓋頂






今天的午餐房租已包,所以食乜係唔知架,但經過昨晚的set dinner,我估今餐都唔會衰得去邊掛,沙律和炸蝦都還可以,點知個主菜就真係唔多掂,肥豬肉煮魚,個煲蓋一打開,!好臭呀,d香味好似咸魚,但就勁10,食咗少少魚試味,原全唔掂d魚梅架,又臭又梅真係食唔落,所以d豬肉我都唔敢試,至於個湯,又係唔好飲,我只食了d蝦就算罷.


↓ Romana resort - set lunch





↓ 好難食的煲仔餸



↓ 唔好飲的湯 (香料太勁,我飲唔落口)



↓ 估都估唔到竟然有點品吃,都幾好味






食完飯天開始下大雨,但沒所為,因我要留在餐廳繼續上網買機票,但那種60幾萬盾的機票又出現,真奇怪,早上明明話買晒架,唔理了拿拿聲買咗佢先,一齊攪掂雨又細了,我便回房間,水不能游,唯有繼續煲劇.


原本見咁得閒想去做spa,因最貴的套餐都只是US$90,如加10%稅再減我的20%優惠,其實只需US$81,但我怕溝通唔到,而且我對做spa的興趣又唔係真係咁大,所以最後都沒有去到,




原本晚上想出市區行吓兼食晚,拖吓拖吓,最終足不出戶,留在房間食杯麵兼煲劇.

↓ 連去旅行都要與杯麵做朋友,味道麻麻,但就好似食緊蟹粉(膏)粉條

11天北漏洞拉之旅

12-22.06.2009



第七天




                                                      今日瞓到8點才起床,又係梳洗後就去食早餐再上吓網再回房.



回到房見腹部和手部d皮膚敏感得好嚴重,於是就決定唔再落水繼續煲劇和拾行李,12點就checkout,越南不論大大少少的酒店,都是鬆人時才比錢,又唔收按金,真係幾好.攪掂就站在門口等的士,因這間酒店比較徧,所以門口是沒有的士和電單車在等客的,如有需要可接待處幫你call,我就call了半小時才有車.由酒店去sinhcafe 87萬盾,因司機無零錢,所以我豪咗3千盾比他做小費.



去到sinhcafe就即刻上了一架Van仔去Dalat,全車只有3個客,所以我一人獨佔後排3個人的位置,真係爽,車程大約4小時,車費VN$100,000,因人少的關係,中午12:45等齊人就開車,而個司機我估他是行小路去,因條路又爛又窄,3.5hrs就到添.在車上我就煲吓劇和瞓吓覺.當差不多到達Dalat 時,望出窗外,嗶!我知這裡地勢比較高,天氣會比較涼,但唔係寒成咁呀,又皮外套又羽絨,我只帶了一件薄薄的風衣喳.


↓ 好怕冷的 Dalat 人







到達Dalat第一件事就報明天的一天遊,!VN$230,000一個人好貴呀,但貴都無計,之後就在附近搵地方落腳,一路行就一路問,第一間要VN$200,000,間房都ok但價錢貴咗少少,第二間VN$150,000,價錢ok但間房麻麻地又無得上網,到第三間大家溝通唔到,他們走過旁邊的食店,找了個懂英人的小姐來,這間亦是VN$150,000一晚,房間都ok無冷氣亦無wifi,不過算罷,2晚姐,而且這裡地勢高氣溫底,係唔需要冷氣的,至於wifi,這裡亦唔興的.


↓ Dalat - guest house






租完房就出去行吓,附近有個DalatMarket,樓高三層,要乜有乜,1樓街市2樓大排檔3樓成衣,門外亦有乾濕貨,真係應有萬由,所以人流都好勁.大陽伯伯收工段,天氣有點冷,於是回飯店拿外套,途中就落起大雨,冒雨返到去竟然無電,唔係咁黑呀,不理了,食完晚餐先算.



↓ 大叻市場正門口





↓ 大叻市場的乾果店舖



↓ 大叻市場 2/F 的大排檔






↓ 大叻市場 G/F 手信街



↓ 大叻市場外的流動小販檔 - 小食篇















↓ 大叻市場外的流動小販 - 衣服篇







在飯店附近有間酒店,他在露天位置攪了個all you can eat BBQBuffet,.........每人只需US$7.9or VN$135,000,唔駛加一但酒水另計,一枝可樂VN$10,000都唔貴.咁架價錢我緊係要試吓啦,入場要先比錢,食物種類都算多,熱盤我就麻麻地,但燒烤就正合我意,因有幾款海鮮,味道都ok,但有一檔我以為整pancake,原來她在煎香蕉,真係大開眼界.


↓ 我的晚餐








↓ 煎香蕉


晚上9點天仍下雨,我就回到飯店,電力已回復正常,但因沒得上網,所以又是先打在電腦上,2天回到何志明市才update.

11天北漏洞拉之旅

12-22.06.2009



第八天





                                             


今早7點起身,在街上買了個VN$6,000的法包做早餐,味道都ok,洋蔥+煎蛋,之後就到sinhcafe 等出發.澳洲+美國+越南+印道+香港,一共101,剛好一部van,導遊叫Mr.Le 能說一口流利英文.


(其實我唔係好知今日會去邊,因我報名時只說報一日團,他攪掂我就比錢,然後我才問他會去那些景點,他就比咗張行程我,睇完我都係唔知去邊的.)


第一站Prennwaterfall ,開頭我都唔知waterfall是乜,去完才知是瀑㳍,這裡除了個瀑㳍外,其他真係無乜野好睇,但個賣點是在瀑㳍下行過.


↓ Prennwaterfall


↓ 他們都是遊客,只是租了衫拍照





第二站Datanlawaterfall,又係看瀑㳍,這個瀑㳍都幾靚,但通山都是人,想影張無人做背景的相都唔得,還有這裡有一條索道,可落山亦可上山,最適合一些懶人和行動不便的人,而我就緊係選擇行路啦,點知回航行上山時,竟然中途要坐下來休息,仲行到身水身汗添,但我見d越南人,就好似穿到冬天咁,又皮外套又手套,真係分別好大.


(Dalat因位於山上,所以氣溫會較低,一早一夜就特別涼,而越南人就可能不習慣又怕冷,一些人真係穿得好利害,冷帽冷外套,就好像香港只得10度以.)


↓ Datanlawaterfall




第三站Buddhistmeditation Monastery & paradise lake,英文我就唔識解,但入到去是看襌院,真係R晒頭. 之後有幾個人去坐纜車,而唔座的就乘車去山腳等他們.






第四站 BaoDaisummer palace(:保大夏宮),保大是越南最後一任的皇帝,夏宮就是他的住所及辦工的地方,所以入去都是看一些寫字枱和床,對我來說,真係不太吸引,但入去參觀就要穿上鞋套,但我又唔覺裡面好乾淨.最奇怪是這裡除了假像和真馬供付費拍照外,為何會出現了孫悟空和豬八介架.


↓ BaoDaisummer palace 的展品


↓ BaoDaisummer palace 的外貌




第五站,就是回到sinhcafe旁的酒店食午餐,豬扒飯都幾好味,但就少咗d.在食飯其間,我問人明天去機場的車資料,因我聞說航空公司有巴士去機場,但詳細資料就無人知,途中酒店職員知道,就問我需唔需要book,taxi大約要VN$280,000,book車只需 VN$220,000,!咁貴我梗係say no ,轉頭他又回來說VN$180,000 都可以,我仍然say no ,因有人話航空公司的巴士只需VN$80,000,相差咁多,我梗係去航空公司問吓先啦,如果真係無車,咁我咪回頭找那個酒員囉.


↓ 午餐 - 豬扒飯




第六站Traditionalembroidery village X.Q,大家估唔估到去邊呀,其實是一個展覽+購物的地方,每幅畫都是以人手一針一線整的,手工非常精美,而每福圖右下角都有X.Q字樣,X.Q代表公司or 人名我就唔知了.




返回列表