返回列表 回復 發帖
原帖由 darkside 於 2010-1-16 01:07 發表
游出少少就會見到無啦啦sharp cut入深海, 深不見底嫁, 果度d魚大條好多, 但我地一游出少少就俾個safeguard叫返返去了。
你話我細膽都係咁講,游到去sharp cut入深海的"上空"
望落去,真系好恐佈,你好大膽.你唔叫,我都游返埋去,haha...


我03年第一次去宿霧(跟團)都住過Maribago Bluewater一晚
e間又真系幾正.晚餐唔包,我點左個又干又孩嘅牛排,haha...


[ 本帖最後由 pacific108 於 2010-1-22 12:59 編輯 ]
原帖由 pacific108 於 2010-1-22 12:53 發表

你話我細膽都係咁講,游到去sharp cut入深海的"上空"
望落去,真系好恐佈,你好大膽.你唔叫,我都游返埋去,haha...

我03年第一次去宿霧(跟團)都住過Maribago Bluewater一晚
e間又真系幾正.晚餐唔包,我點左個又干又 ...
可以因為o個陣冇咩太陽, 望落d水唔算好清...同埋有救生衣嘛~哈哈
除o左早餐我都冇o係Bluewater食過o野
::Album::Travel Log::
http://www.fotop.net/darkside

今日冇咩特別節目, 淨係去o左Ayala Mall買手信, cebu o既的士司機果然名不虛傳...-_-

day5...
遊記 + 相
http://www.fotop.net/darkside/cebu2009day5

Day 5 - 19/12/2009
Maribago Bluewater Beach Resort => Ayala Center => Maribago Bluewater Beach Resort

by pigfong & darkside

今日又係8am就起身, 梳洗完就出去食早餐喇, 出到去餐廳已經有好多人了, Bluewater o既早餐選擇比Amorita多, 有沙律, 麵包, 生果, 點心, 熱盤, 奄列, 等等等等(見IMG_2305 ~ IMG_2323), 雖然選擇多, 但係似乎冇乜邊樣特別出色, 味道一般啦, 可能因為冇得好似o係Amorita咁有個靚view陪襯XDD







食完早餐就周圍行下, resort總共有3個泳池, 又有spa, 活動室同私人沙灘等等, 地方頗大(見IMG_2333 ~ IMG_2377), 而最特別係佢個魚池入面有鯊魚的, 仲有海星, 海膽, 熱帶魚等等, 每日4點都會有餵鯊魚表演~~(見IMG_2330 & IMG_2335)







另外呢間resort似乎都幾受當地人歡迎, 有好多當地人入住之餘又有好多公司響o度攪christmas party, 仲見到有個女仔響o度攪18歲生日party添呀, 大概是一戶有錢人家吧, 睇o黎Cebu都唔係全部都好窮呢~



參觀完酒店d泳池之後, 行行下就去到resort o既私人沙灘了, 朝早o既水位好低, d水都算清, 又有d海星/海膽咁, 不過亦都好多海草, 所以無人游水…d水位低到可以澗水行去對岸o既私人島添(見IMG_2382 ~ IMG_2402), o黎個所謂私人島其實好細, 頹頹地(見IMG_2412 ~ IMG_2425), 上面有個平台可以攪下event咁啦, 冇咩特別, 所以只係影左一陣相就返去沙灘o個邊lu。








Bluewater o既保安雖然幾嚴密, 不過唔知點解沙灘附近會有d人撩d遊客坐船出海, 就好似響保和島咁, 但係聽講Cebu d boat tour比起保和島貴成倍(因為包午餐!?), 由於我地響保和島已經出過海了, 所以今日冇join喇。

我地o係cebu其實冇plan到咩特別活動, 因為似乎冇咩吸引景點, 淨係想去d mall行o下買o下手信咁, 所以我地o係resort hea到11點幾就返房換衫準備出去Ayala Mall。

其實酒店有shuttle bus去Ayala Mall 同SM Mall嫁, 不過夾唔岩時間, 佢仲要唔係日日有添!! 所以唯有自己截的士啦, 一出resort門口就有人撩我地, 一輪講價之後要650p來回, 我地中途諗諗下想改變主意只搭去程(因為唔知會o係Ayala Mall留幾耐), 點知個的士司機即刻黑面, 又bilibala同我地拗數, 所以講講o下都係照舊啦, 話晒都係一早講好o左來回…點知之後就發生左不愉快事件了…

中途有d塞車, 我地差唔多1點先去到Ayala Mall, Ayala Mall係一個大型商場, 入面有好多舖頭同餐廳, 大致可以分為2 part, 新d果邊叫The Terraces, 另一邊就舊d, 係d比較地道d o既舖頭(見IMG_2442 ~ IMG_2455)。 個商場大到我地行極都未行完一層, 不過其實都無咩o岩買…






我地行行下, 無啦啦見到網友推介o既Shawarma肉卷(見IMG_2452), 佢係類似KFC雞卷咁, 有d肉碎, 菜同好多沙律醬, 食落又真係幾好味喎!



我地行到大約2點, 見冇咩好行, 又開始有d累, 所以就搵地方食lunch喇, 見到有間餐廳叫CYMA, o依!? 咁熟口面o既!? 咁似上年響長灘島食果間地中海菜o既, 個名一樣, 裝修都差唔多, 都係以藍白色為主(見IMG_2462 ~ IMG_2467), 所以我地二話不說就走o左入去喇。 我地叫o左個Caesar Salad(solo), 蜆仔天使麵(Baby Clams Angel Hair - solo), 仲有一人一杯bottleless o既iced tea (CYMA'S ultimate iced tea & Sugar-free splenda), 個Caesar Salad幾好味丫, 個Baby Clams Angel Hair就淡左少少, 至於果2杯iced tea d味怪怪地, 唔係飲開o既檸茶味, 攪到2杯都飲唔晒, 早知唔叫bottleless啦…蝕左!! o黎餐埋單822p, 都唔平呢(見IMG_2470 ~ IMG_2477)。其實起初我地覺得唔係長灘島果間來的, 因為個menu唔多同, 不過返到香港上網search過, 佢地又係同一個集團開架bor…總結都係長灘島果間好味d!!!







[ 本帖最後由 darkside 於 2010-1-23 00:40 編輯 ]
::Album::Travel Log::
http://www.fotop.net/darkside

續day5...

食完o野之後就去Metro Supermarket掃貨喇, Supermarket好大, 又係行極都行唔完…我地買左d零食同大量芒果乾, 之後就快快走人, 因為想趕返resort睇餵鯊魚嘛~~

我地call返頭先個司機3:15pm o黎接我地, 佢話ok的, 之後準時出到去Ayala門口唔見佢就再打俾佢啦, 佢話響附近o黎緊喎, 點知我地等o左超過15分鐘佢至出現, 仲要車上面有客law, 叫我地自己截過第二架車!!! 佢要我地等咁耐都係為o左收返去程o既車錢, 原先650p來回佢仲想收我地350p, 有冇攪錯! 最終俾左300p就算…

快快去隔離meter taxi stand度再截的士, 又係唔肯用meter, 好啦講好250p返resort, 點知開車冇耐佢諗諗o下又話用meter都唔只250p喎, 之後佢就開返個標話用meter喎, 不過就到o既時候佢見個meter只係跳到190p, 佢走去off o左佢law! 我地當時冇出聲, 直至返到resort, 佢竟然想屈我地俾300p佢, 我地更係唔肯啦, 又鬧佢做咩off o左個meter, 最終都係俾返250p就算! 就係呢d的士司機, 令到我地唔多鍾意Cebu o黎個地方。

同d的士司機玩o左咁耐, 返到去已經4:20pm, d鯊魚已經食飽晒喇, 殘念 -_-“, 見無乜野做, 於是我地就返房換泳衣去泳池游水lu, 試左2個, 感覺d泳池唔係太乾淨呢, 池底好多樹葉…游游下開始涼涼地了, 於是就上水去沙灘hea, 日落時分, 坐響d沙灘椅都幾舒服丫~(見DSC07518 ~ IMG_2490)





直到6點零, 又係時間出去食飯了, 返房沖涼換衫, 跟住就叫酒店staff幫手(今次搵酒店幫忙)截的士去Shangri-la, 諗住去果度附近o既Hola Espana食飯…今次個司機肯用meter, 亦無屈我地俾extra charges, 行左好一陣子就到喇, 只係70p, 心諗不如問佢拎電話聽日再call佢啦, 點知佢突然如夢初醒咁話去錯o左地方, 原來佢去o左另一邊o既Plantation Bay! 真係俾佢激死…之後佢要原路返resort再行另一邊呢, 心諗就算想兜路都唔好咁過份丫, 點解Cebu所有的士司機都係咁嫁!! 跟住我地唯有叫佢返到我地間resort附近就reset個meter啦, 個司機無乜出聲, 不過佢又真係有reset到, 所以其實都唔知佢真係去錯地方定點喇…最終都係70p就去到Hola Espana了。

Shangri-la斜對面就係Hola Espana(有分店的), 間餐廳細細地, 不過幾有情調丫(見IMG_2529 ~ IMG_2538), 我地再一次叫o左Caesar Salad, 另外仲有Hola grilled back ribs, Pasta Marinara同Choco frost(見IMG_2501 ~ IMG_2536), 杯Choco frost太甜了, 個Pasta就好好味, 特別係d汁,好快就食晒, Caesar salad 都ok啦, 仲有個ribs都好味, 唔會太咸or太乾, 係細o左少少o者…o黎餐埋單1199p, 算係幾貴。







原本諗住食完飯再去Shangri-la o度食傳說中o既Halo Halo, 但食完頭先果餐已經好飽, 實在食唔落喇, 所以入去行左個圈之後就叫果度d staff幫手截的士返resort了, 今次終於都遇到好司機喇, 架車幾靚又肯用meter, 回程都係70p。

返到去諗住去resort對面間小店度做massage, 點知佢話full晒, 叫我地9點再返去喎, 冇計啦, 我地唯有趁呢個空檔去左resort沙灘旁間bar度飲野, 終於可以攤響果度d sofa度睇星星喇, 好好feel呢(見IMG_2548 ~ IMG_2554), 我地叫左mango smoothie & pineapple shake, 幾好味, 坐坐o下仲見到有人放煙花添!





可惜坐得一陣就夠鐘返massage店了, 9點返去都仲未得, 最後等左約半個鐘至入得去呢, 原來有成班人包o左場呀, 呢間小店雖然外面睇有d似黑店, 不過入面裝修唔錯呀, 又有獨立房仔, 個阿姐係大力左少少, 但整體o黎講都唔錯, 最重要係唔貴嘛, 2個人massage都係1100p(連100p tips, 1hr)咋, 嘆完massage就返房執行李&訓覺lu, 同上次boracay一樣, 今次主要都係買o野食做手信, 其中當然唔少得大量o既芒果乾啦~~



::Album::Travel Log::
http://www.fotop.net/darkside

最後一日了, 只係去o左SM Mall, 之後就返香港了

day6...
遊記 + 相
http://www.fotop.net/darkside/cebu2009day6

Day 6 - 20/12/2009
Maribago Bluewater Beach Resort => SM Mall => Hong Kong

by pigfong & darkside

唔覺唔覺咁就玩左5日, 今日已經係最後一日喇。 今日照舊都係8am起身, 刷牙洗面食早餐, 今日仲多人過尋日, 有d人要坐到去泳池o個邊…至於d野食就同尋日差唔多啦, 味道都係麻麻地(見IMG_2575 ~ IMG_2589)~~






食完早餐又周圍逛, resort有個area有d手信賣的, o個o度仲有得打桌球同乒乓波, 另外仲有部電腦俾人免費上網, 難得見部機無人用, 諗住過去玩一陣睇o下香港新聞啦, 點知原來係show唔到中文的…-_-冇得上網, 唯有轉移陣地去打桌球啦, 玩左一局就走人lu(見IMG_2593 ~ IMG_2606)



由於今次呢間酒店太full喇, 所以今日無得late check-out了, 12點就要交房, 我地唯有爭取時間周圍影o下相咁啦, 都冇咩特別o野做…行行o下又去返沙灘果邊, 今日水位仲低過琴日, d海草露晒出來, 我地著住酒店o既拖鞋, 嘗試再行去對岸, 點知原來係會俾水底d沙泥吸住對鞋, 舉步為艱的…

同d沙泥搏鬥到十點零就返房lu, 間房個廁所好大好靚, 最可惜係無享用過個浴缸, 唯有影返夠本補返數啦, 影完相見都仲有d時間, 於是有人就走去訓晏覺了, 而有人就唔訓走o左出去周圍影相(見IMG_2652 ~ IMG_2652)。








直至11點零就要收拾行裝了, 間房咁靚, 又有d唔捨得添~~(見IMG_2694 ~ IMG_2735 )





12點準時check-out, 由於我地班機夜晚7:50先飛, 所以仲有大把時間, 我地放低d行李o係front desk之後就諗住去多次酒店對面間小店做foot massage, 點知入面個阿姐話1點至開門喎, 我地唯有滿懷失望咁諗住返酒店啦, 點知返緊酒店o既時候門口有個男人無啦啦又叫返我地返去, 原來佢叫小店阿姐專登開門俾我地呢, Lucky! 我地分別做o左foot massage同foot scrub, 都係1個鐘, massage真係好舒服呢, 至於scrub都好得, 腳掙d死皮無晒, 個腳板滑到好似新o既一樣XDD, 好滿足呢, 埋單總共700p(包括50p tips)。



做完massage就返酒店拎行李lu, 下一站o既目的地係SM Mall, 我地叫酒店幫我地截車, 個司機見我地話要meter又係面有難色, 不過今次好d, 佢講明meter個價加50p, 求其啦, 一早講明總好過中途先話加價丫, 最後250p(即係meter 200p)就去到SM Mall了, 平過琴日講價果d(去SM Mall同去Ayala差唔多距離的)。

SM Mall係cebu另一個大型商場, 去到第一件事係去Travelers’ Lounge寄存行李(見IMG_2751 & IMG_2752), 2件行李半日收費只係30p, 地方又企理, 好過放響supermarket counter(因為今日星期日超多人)




攪掂d行李就入去SM Mall行街lu, SM Mall真係大得可怕, 仲大過Ayala, 完全唔識行, 行o黎行去都唔知去o左邊咁…





不過行行o下又無意中俾我地見到響Ayala Centre搵唔到o既候選餐廳Max’s Restaurant, 於是就入去食lunch了(見IMG_2765 ~ IMG_2766)。

Max’s係類似快餐店o既食店, 但係有人serve的, 好似話佢d雞好味喎, 於是我地就叫o左個燒春雞餐(Spring Chicken Meal), 另外叫左個類似粉絲之類o既野(Pancit Luglug Solo, 見IMG_2768 ~ IMG_2774), 2樣野食味道都係一般咋, 隻雞同保和o個隻差太遠喇! 反而個餐湯就幾好味喎, 食完之後又試埋佢個Halo Halo, 只係80p咋, 味道唔錯呢(見IMG_2779 ~ IMG_2780), 今餐埋單457p, 幾抵食。







食完lunch跟住再行SM Mall, 原本想搵post office寄d聖誕咭的, 但SM Mall似乎冇post office, 就算有今日係星期日都無開, 周圍問人同俾人點來點去, 最終搵到間舖頭, 但只係可以用Fedex囉, 太貴喇, 唯有放棄……

見SM Mall都係冇咩o岩行, 最後又係去supermarket掃貨買多幾包芒果乾, 到5點幾已經行到好累了, 於是就走入starbucks休息, 坐到差唔多6點就去拎返d行李, 跟住搭的士去機場lu, 今次個的士司機又係要meter加錢, 講價後加30p, 最終150p(120p meter)就去到機場了。

6點幾已經去到機場, cebu機場冇咩好行, 閘外有幾間手信舖, d野有d貴, 我地見無咩o岩買, 於是就入閘啦, 點知入閘後仲衰, 得一間好貴o既餐廳, 一間好貴o既韓國杯麵店同massage小店, 係完全冇o野好做的…所以唯有坐定定等上機啦(見IMG_2802 ~ IMG_2804)。




飛機7:50pm就起飛了, 飛機餐照舊一般(見IMG_2807 & IMG_2810)…無驚無險, 10點零便返到香港了。6天的宿霧+保和之旅就此圓滿結束。





後感 : 今次玩o左2個地方, 保和島&宿霧。 保和島俾我地o既感覺係好乾淨, 完全未受污染, 就算唔join boat tour出島, 只係響沙灘浮潛就已經有好多o野睇, 而當地d人亦都比cebu友善, boat tour或者book車開價都唔會獅子開大口(可能我地好彩遇唔到=P), 間resort亦好靚, 咁大個人第一次住獨立屋連私人jacuzzi o既resort, 真係好興奮呢!

至於宿霧市, 感覺麻麻地, 果度係一個比較舊o既城市(試過搭的士無啦啦見到一個全裸o既男人企o係的士旁-_-), 空氣唔算好好, 最唔like都係搭的士, 大部分司機唔肯用meter, 跟住開好高價, 或者上車時應承用meter, 但行左幾步就用各種藉口唔用, 最差都係響Ayala等佢幾個字再叫我地截過第二架車, 同埋之後唔忿氣開meter, 臨到見唔夠錢又熄o左佢o個個!!! 所以如果下次再去o既話, 我諗都只會響保和島玩, 唔會再留宿霧喇。
::Album::Travel Log::
http://www.fotop.net/darkside
非常精彩的遊記, 感謝分享!! 睇海豚同去 Virgin Island & Balicasag Island 都要好睇咩時候, 又要睇天氣, 落完雨d水會好混濁, 我之前去兩次又見吾到海豚, 反而去到 Virgin Island 就好似 pacific 話齋, d 水吾高吾低岩岩好!!
附件: 您所在的用戶組無法下載或查看附件
原帖由 darkside 於 2010-1-23 00:35 發表 見到有個女仔響o度攪18歲生日party添呀, 大概是一戶有錢人家吧, 睇o黎Cebu都唔係全部都好窮呢~
我都覺得cebu係 窮/富差距好大嘅地方.
睇下SM MALL / AYALA D貨品價錢,真系不比香港平多小

原帖由 darkside 於 2010-1-24 13:13 發表
去到第一件事係去Travelers’ Lounge寄存行李, 2件行李半日收費只係30p, 地方又企理, 好過放響supermarket counter
我凈系識放在SUPERMARKET門口咋,反而唔知有TRAVELER LOUNGE,下次去揾下先

D的士司機又係衰,事後反口,真系好得人憎.
下次睇怕要學你,by meter再外加30-50
作為遊客,唔介意駛多小小,但系討厭俾人呃law.


再一次多謝你嘅分享,相片真系好靚,好sharp!

[ 本帖最後由 pacific108 於 2010-1-24 18:34 編輯 ]
我想問下你個mask同喉向邊買架?
thanks~
原帖由 candylyw 於 2010-2-6 22:13 發表
我想問下你個mask同喉向邊買架?
thanks~
如果吾係太過講究的話, 一般體育用品店有售! 但若果想要專業d可以到一d 潛水用品店選購, 吾係太新 model 都只不過係 $500 左右一 set !! 如果喜歡水上活動或潛水活動, 長遠記買一set 私家野好d, 淨係一個夏天或去三兩次旅行浮潛, 淨係慳返d租金都係返到!! 我係去依度買既, 老闆好好人, 介紹得好詳細!!  http://www.renttrendhk.com/products.php?cPath=139&osCsid=d390ef6788f57c6f836caa1a3bc7ce5a
原帖由 candylyw 於 2010-2-6 22:13 發表
我想問下你個mask同喉向邊買架?
thanks~
我o個set平o野來的, 因為一年都未必用到一次, o係旺角一間叫"中亞"o既運動舖買
http://chungah.smeitrade.com/index.do
::Album::Travel Log::
http://www.fotop.net/darkside
返回列表