返回列表 回復 發帖

宿霧+保和島6天遊...全部完成


上次去過長灘島, 覺得菲律賓o既陽光海灘好靚, 洗費又平~
所以今次決定再去菲律賓, 宿霧+保和島

暫時得day1...
http://www.fotop.net/darkside/cebu2009

Day 1 - 15/12/2009
香港 => Cebu => Bohol Island => Amorita Resort

by pigfong & darkside

今次o既目的地係菲律賓宿霧同保和島, 其實早於9月我地已經開始睇d package, 當時agent o既回覆竟然係我地plan o既日子已經full o左機位! 又會咁多人想去宿霧o既, 咁早就full晒。 最後唯有wait住機位先啦, 可惜一直都未有回音, 起初都已經打定輸數冇得去架喇, 於是計劃轉戰泰國蘇梅島…點知直至10月尾, 正當我地準備出去book蘇梅package o既時候(真係搭緊車出去架喇), 個agent突然打o黎話wait到機位喇喎, 真係俾佢激死, 人地做好晒心理準備去蘇梅架嘛!!! 咁都好o既, 照返原定計劃去宿霧啦。 之後亦都好快攪掂晒d酒店了, 就係咁, 之前諗o左幾次想去, 但次次都因為某d原因去唔到o既宿霧之旅, 今次終於都成行喇~

期待左好耐, 終於都出發了, 貪心o既我地, 次次都係選擇早機去晚機返, 今次都唔例外, 9:05機! 所以今日一早5:30am起身, 6:15am就搭A41去機場。 班機果然好full, 琴日上網揀位o既時間差d要分開坐…去到機場快快check-in完寄埋d行李之後就入閘lu。

今次終於都可以享用Citibank PremierMiles Credit Card優惠, 去Lounge度食早餐喇, 搭完無人架駛, 一上去就見到個Traveller Lounge(近gate60), 登記完就可以入去喇, 地方都唔錯, 最開心係有自助早餐, 有cereal, 三文治, 熱盤, 生果等, 仲有罐裝汽水同樽裝水任拎添, 雖然食物味道好一般亦得好少選擇, 但免費喎, 已經好滿足喇(見IMG_1053 ~ IMG_1059)。




我地食完o野坐左陣見時間尚早就周圍行下, 原來樓上(7/f)有另一間Premier Lounge, 都可以免費入去的, 仲見佢有Haagen Dazs雪糕食添(唔知係味都係任食), 又可以睇住飛機升降, 下次要o黎呢間試下至得!

等左好一陣子, 大約8:30am上機, 準時9:05(CX921)就起飛了, 飛機餐都係咁啦, 冇咩驚喜(見IMG_1087 & IMG_1088)。






約3小時之後, 11:45am就到達宿霧Mactan International Airport了, 機場好細架咋, 睇落都冇咩好行…我地好快就辦完入境手續, 不過等行李就等o左好耐law, 可能因為多人啦。



另外機場有幾間找換店的, 不過個rate普通(1hkd to 5.5peso), 其實我地一早已經o係香港Frankie Exchange兌晒d peso了(1hkd to 5.81peso), 所以全程都唔使兌錢。

之前睇o左網上d遊記, 知道機場外會有好多人搶住幫遊客拎行李同幫手搵的士繼而拎tips, 所以我地一踏出機場門口就衝鋒陷陣, 原本係想搵網友所講要上斜路o既meter taxi站的, 點知唔多覺眼, 最後我地由門口右手邊一直行就見到一d黃色o既的士, 上面寫住meter的, 再問清楚真係用meter之後就上車了。 搭的士都要咁小心係因為cebu d的士司機好多都好奸, 佢地通常都唔肯用meter, 就算講好價, 開車後又會話要加d乜費物費, 攪到我地每次搭的士都要加倍小心…

好喇, 上o左的士之後就去Pier 4了, 入次o既行程, 我地首先會去保和島stay3晚, 之後再返回宿霧stay多2晚, 頭尾總共6日。 上車後差唔多30mins就到達Pier 4了, 入去Pier area之前有個閘口要俾10p tax的, 由於我地冇散紙, 所以叫司機俾住先。 最終落車車資240p(連埋10p tax), 俾o左300p佢, 硬蝕60p, 因為呢度d的士司機成日會以冇散紙為由唔找錢的!!! 所以之後買o野食飯好多時都會俾大紙, 唱返d散紙等搭的士用…另外原來我地搭o個架黃色的士係airport taxi來的, 比一般白色o個d的士貴。

現時共有3間船公司有船去保和島, 包括Pier 1 o既OceanJet, Pier 4 o既Weesam 同埋Pier 4 o既SuperCat。 而跟據網友o既comment, Weesam同SuperCat o既service比較好同舒適, 而當中Weesam o既schedule又fit我地多d, 所以最後決定搭Weesam。

1點未夠到達Weesam Express Ticket Counter, 首先買o左2pm 由Cebu去Tagbilaran o既船飛, 每人來回800p, 之後再o係隔離counter俾terminal fee, 一人25p。



攪掂之後就等上船了, 起初見到Ticket Counter隔離有位坐, 於是就去果度等啦, 不過係冇冷氣的, 都幾熱…點知坐坐o下有個security叔叔見我地咁慘就話俾我地知Ticket Counter o既另一邊至係候船室!!! 我地過到去, 原來要響果邊check-in先, 之後就可以入去又有冷氣又舒適o既候船室喇, 蠢o左添…好彩有好心o既保安提點我地咋。 入候船室前首先要過x-ray, 之後就寄行李, 2件夾埋40p, 不過似乎寄行李o既費用係任佢講的, 因為佢起初話要50p, 之後我話應該free架喎(因為見到有個牌話包15kg行李的), 跟住佢就話40p only…算啦, 見其他網友都有俾的~

跟住就入舒適版候船室等上船了, 果度有幾間舖頭, 買o左支水順便唱d散紙, 坐響度等船都唔會悶呀, 因為有班盲人響度夾band唱聖誕歌, 都幾有氣氛呢(IMG_1114 ~ IMG_1119), 同埋可以捐錢支持佢地。




等到1:40pm就上船喇, 架船都ok, 就好似去南丫島o個d船咁(見IMG_1123 ~ IMG_1128)…2pm準時開船, 航程約2小時, 期間船上會播電影, 開得好大聲law, 攪到想訓一下都唔得。



最終3:45pm就到保和島lu, 一落船就入去大堂了, 點知o黎個時間先發現, 點解唔見我地d行李o既!? 一問先知原來要自己返去隻船o度拎架, 又會咁o既, 咁同我地自己拎上船有咩分別…-_-




拎完行李, 問埋tourist counter拎地圖之後就出去了, 一出去就有好多人撩我地坐車喇, 我地o既目的地係Alona Beach, 講o左陣價, 最後500p成交, 先停ICM 1小時, 之後先入Alona Beach。 好啦, 上車…原來係一架好舊o既van仔來的…-_-

由碼頭出發, 大約15mins就到ICM了, ICM係bohol一個比較大o既shopping mall, 由於Alona Beach買o野比較貴, 所以我地諗住o係ICM買定晒d零食, 水, 仲有sim card。 我地首先去頂層買sim card , 頂層有好幾間電話舖, 是但問o左一間, 買o左張40p sim card(唔包通話)再加300p增值券, 順便請店員幫手activate同refill張card。 買完sim card之後就去地面o個層o既supermarket買零食同飲品了, 個supermarket超大, 咩都有得賣…買完o野之後就走人喇, 1個鐘其實都係岩岩好夠用咋, 都冇時間食o野添…



我地5pm上返車, 再過太約30分鐘左右就到達我地住o既Amorita Resort喇! Alona Beach係保和島最熱鬧o既地方, 沿住沙灘有好多大大小小旅館同餐廳, 其實同長灘島o既White Beach有d似, 不過相比起White Beach, Alona Beach短好多, d沙冇咁幼細, 亦都冇White Beach咁熱鬧。 另外似乎菲律賓所有陽光海灘o既地方都係一樣, 比較難先搵到一間同泰國o個d差唔多靚o既resort, 就算有價錢都比泰國貴…千挑萬選, 最終揀o左位於Alona Beach頭, 崖上的Amorita Resort, 房間係經http://www.asiatravel.com/ 訂的, 都係第一次經o黎d網上agent訂酒店同過數, 過程順利, 冇咩問題。

好喇, 去到Amorita Resort, 快快check-in後酒店o既staff就帶我地入房了, 我地間房, 唔係, 正確o黎講係獨立屋至真XDD, 我地住o既房type叫 ”Garden View Villas”, 基本上係一間獨立屋來的, 房外有私家Jacuzzi, 間房3面都有落地大玻璃, 而張床對正室外Jacuzzi, 第一次住呢類resort, 好興奮啊(見IMG_1133 ~ IMG_1156), 另外有一個特別之處就係個廁所是位於空外的, 所以夜晚沖涼o既時候有機會會有d小昆蟲(e.g. 四腳蛇)一齊沖涼…









我地參觀完間房, 放低d行李, 再換埋沙灘裝束之後就出去搵野食lu, 我地間房好近reception同餐廳, 都幾方便, Amorita Resort唔大, 得1間餐廳, 餐廳對住o既就係infinity pool, 而餐廳附近就有一條樓梯, 行十幾級落去就係Alona Beach了。

沙灘上有好多餐廳, 大部分都有海鮮食




兜o左幾間, 最後揀左一間叫Jasz o既餐廳, 叫左1條LapuLapu (清蒸唔知咩斑), 2隻大蝦(用Butter & Garlic整), 仲有一個豉汁排骨(唔小心叫錯野), 另外仲有mango shake(no milk), 啤酒同埋garlic rice(見IMG_1158 ~ IMG_1191)。 落完order之後就等呀等, 菲律賓人似乎手腳有d慢, 全個trip好多餐都要等好耐先有得食…而味道方面, 條魚好大條, 味道都唔錯, 大蝦就麻麻地咋, 有d鞋, 唔夠入味, 最好味反而係個類似豉汁排骨o既o野, 因為佢d汁撈埋個飯好好味!! 保和島o既第一餐, 埋單1251p, 即係約HKD200, 唔算平又唔算貴啦。






食完飯之後就繼續沿住沙灘行喇, 行行o下就見到Lost Horizon Resort, 見有唔少人都推介佢o既Halo Halo, 一於試o下先! 等o左一陣就有得食了, 但係好似唔係好多料咋, 同埋有d酸酸地o既生果影響左個味道呢(見IMG_1200, 食完先記得影相XDD), 都係Boracay Fridays o既好味d, 個Halo Halo 180p(large size)




食完之後就慢慢散步返酒店了, 望上天可以見到好多星星, 雖然冇上次去墾丁咁壯觀~~不過都好浪漫呢!




返到酒店都只係8點幾, 睇埋套G.I. Joe之後就訓覺lu~


[ 本帖最後由 darkside 於 2010-1-24 13:15 編輯 ]
::Album::Travel Log::
http://www.fotop.net/darkside
唔駛講野,第一時間設為高亮,以作支持與鼓勵!
你的帖子日後下降至本版下端,我再替你設為置頂

你嘅作品,一向都係高水準之作.
慢慢欣賞下先.


[ 本帖最後由 pacific108 於 2010-1-11 10:27 編輯 ]
遊記很精彩...........

第二天car tour, 原本都好好天的, 點知去到睇眼鏡猴就落大雨!!

day2...
遊記 + 相
http://www.fotop.net/darkside/cebu2009day2

Day 2 - 16/12/2009
Amorita Resort => Chocolate Hill => Butterfly Garden => Tarsier => Man-made Forest => Blood Compact Site => Bee Farm => Amorita Resort

by pigfong & darkside

今日8am起身, 梳洗後去resort唯一一間餐廳Saffron食早餐, 餐廳響infinity pool旁, 環境非常好, 食物種類唔算多, 但大致上味道唔錯, 尤其係個肉醬, 即叫即煎o既pancake & 奄列(見IMG_1231 ~ IMG_1251), 望住infinity pool, 再對出就係alona beach, o係咁o既環境之下食早餐認真寫意(見IMG_1255 ~ IMG_1266)。







9點零食完早餐, 跟住就落alona beach行下, 呢度d沙唔算幼, 不過d水好清, 同埋行到好出都係好淺水, 而水底好多水草&其他海洋生物(e.g. 海星&海膽), 所以似乎唔多適合游水…(見IMG_1276 ~ IMG_1302), 對比起長灘島, alona beach就比較靜了, 上年都係差唔多時候去長灘島, 記得朝早食完早餐o既時候已經有好多遊客o係沙灘行來行去了, 而alona beach就比較少人了, 全個沙灘得小貓三四隻…不過其實咁都唔錯丫。






雖然遊客少, 不過船夫同司機就頗多了, 行o左一陣沙灘已經有三四個船夫同/司機撩我地了, 咁都好丫, 因為其實我地咩tour都未book, 今日正正想搵car tour司機, 順便問埋聽日出海o既價錢…

響酒店一落去就俾個有紋身公仔佬撩我地出海了, 個boat tour價錢都幾吸引, 但我地決定行遠d再格下價先, 行行o下去到Lost Horizon附近就再有一班人撩我地, 有個阿叔話car tour 1700p for 2人, 問清楚係van同埋見佢個樣都唔算奸丫, 於是就約定佢11am響酒店門口等喇, 返酒店中途再見返公仔佬, 佢再offer boat tour 1200p for 2人(我地自備浮潛mask, 另要俾200p for safeguard), 見佢咁平同架船好似ok(其實好遠唔係好睇到XDD), 於是就問佢拎電話晏d再決定…

之後我地就返房準備了, 主要係執d零食呀, 水呀同埋狂搽太陽油等等…11am出到去, 司機已經等緊我地了, 佢架車其實有少少殘, 都算啦, 但問題係開左一陣佢就ge li gu lo話個冷氣同gasoline唔知乜鬼, 原來佢話gasoline唔夠, 要去油站入完油至可以開冷氣, 其實我地都唔知係味真, 見佢行左一段路都未到油站, 開始諗佢係唔係咋咋第呃我地唔開冷氣慳返d架, 後來終於到油站, 佢竟然問我地拎1000p入油, 心諗佢真係呃我地錢!?!? 正想發爛之際, 先知原來佢叫我地俾住部份car tour費先, 完左後再俾埋尾數(即係700p)就ok, 哈哈~嚇得我地丫, 實在睇得太多當地呃人過案了XDD



今日o既car tour都係包d大路景點咁啦, 包括Chocolate Hills, 眼鏡猴, Butterfly Garden, Loboc River Boat Trip, Man-made Forest, Baclayon Church同埋Blood Compact Site。 不過由於我地對個Loboc River Boat Trip冇咩興趣, 所以一早就話唔去了。

由開車計, 約1.5小時終於都到達第一站 - Chocolate Hills, 響山腳要俾每人50p的入場費, 落車之後仲要行2百幾級樓梯至上到觀景台(見IMG_1321 & IMG_1321), 幾經辛苦終於都上到去, 居高臨下, 一望出去就見到附近有好多座山仔, 肥肥矮矮咁, 都幾得意丫, 可惜依家唔o岩季節, 全部朱古力山都係青青綠綠咁, 見唔到全部變成啡色好似朱古力o既樣(見IMG_1326 ~ IMG_1326), 另外上面仲有人幫你影相, 除o左可以用真o既朱古力山做背景之外, 仲可以用一大塊印有朱古力山影像o既膠布做背景, 你o係前面跳, 影出o黎o既效果就好似o係朱古力前面跳咁…值唔值得俾錢影就見人見智啦~哈哈。我地大約o係上面逗留o左45mins之後就行返落去等司機lu。






等左好一陣子司機返來了, 跟住就帶我地去下一個景點 - Butterfly Garden, 其實初時對呢個景點無乜興趣的, 不過一場o黎到, 入場費又咁平(20p/人), 咁就即管入去睇下啦。 入面地方其實好細, 不過有專人講解d蝴蝶o既生活習性, 講得都幾生動有趣丫~~ 個職員仲會捉d蝴蝶放響d遊客身上嫁, d蝴蝶又唔會飛走嫁喎, 仲會扮死添, 好神奇, 最後玩左大半個鐘就走人了, o黎個Butterfly Garden竟然有d驚喜, 幾好幾好(見IMG_1383 ~ IMG_1400)。






跟住又去下個景點 - Man-made Forest, o黎個真係頺爆, 其實只係沿途經過o既一段樹林, 完全無特別, 求其影幾張相, 走人(見IMG_1402)!



再跟住落o黎就係我地最期待o既一站, 去睇Tarsier (眼鏡猴)!!! 不過o黎個時候竟然落大雨囉, 明明朝早曬到癲架嘛, 點解無啦啦落大雨…但無辦法啦, 頂硬上落車。 睇Tarsier o既地方其實只係路邊一間類似手信店o既物體(應該唔只一個地方有得睇的), 沿路邊小路落去間手信店, 舖頭門口有個鐵絲網籠, 入面有3隻眼鏡猴, 但太大雨了, 所有人(包括我地)都只好企o係樹下避雨, 都無得餵or摸佢地啦, 當堂無晒心機呢。 等左好一陣子, 終於都細雨返d, 可以影下相咁, 但正當打算走人o既時候先發現原來另一邊有個入口入去一個公園物體(其實只係圍住一個area), 原來入面都有眼鏡猴嫁, 有2隻響棵樹上面, 有圍欄圍住, 但開揚d, 可以同佢地合照, 佢地個樣真係好得意, 又好攪笑(見IMG_1422 ~ IMG_1480)…我地影左好耐相, 點知無啦啦有個職員(!?疑似)閃出o黎一手捉o左其中一隻, 再叫我地跟住佢, 原來佢係俾我地同隻眼鏡猴影相, 佢將眼鏡猴輪流放響我地o既頭, 膊頭同手度, 好開心呢, 估唔到可以同佢有身體接觸, 但又好驚佢會跌落地下受傷, 不過佢好乖無亂郁, 可能佢都俾人捉慣o左…同佢影相o既代價當然係俾錢啦, 影完相俾左少少錢(好似100p)之後就走人了, 好滿足呢~~







睇完Tarsier之後就繼續去下一個景點了, 原本係去Baclayon Church的, 不過去到o既時候仲落緊雨, 睇落又冇咩特別, 所以又skip左, 直接去最後一個景點 - Blood Compact Site, 其實都係一個冇咩特別o既景點, 只係有幾個銅像響度, 好似話係d歷史人物結盟o既地方…又由於都仲係落緊雨, 天色唔多好, 所以又係影一兩張相, 走人!!



由於去晒d景點都只係3點幾, 所以我地就臨時加插景點, 叫司機車我地去Bee Farm, 點知司機話果度d路好難行, 要加300p, 仲以為佢呃我地錢, 點知原來入Bee Farm條路真係幾崎嶇不平的, 咁就算啦。 大約4:00去到Bee Farm, 今日o既day tour就此結束(其實如果o係Bee Farm留得唔耐o既話係包埋返alona beach o個程的…)。
::Album::Travel Log::
http://www.fotop.net/darkside

續day2...

Bee Farm其實係一間酒店, 賣點係佢自己種好多有機植物, 用o黎做菜, 仲自己養埋蜜蜂添!! 上網見個個都話Bee Farm o既野好好味同埋massage唔錯, 所以點都要o黎試下。 首先o係reception book左1個鐘後做massage, 之後就去餐廳食o野喇(晏晝都未食lunch!!!), 我地叫左個Seafood Soup, Organic Vegetable Stir – Fry with Chicken, Seafood Pasta, Mango Shake同埋一個唔知咩iced tea(見IMG_15078 ~ IMG_1515)。 落完order之後就有我最期待o既麵包食喇, 其實我只係期待佢用黎搽麵包o既醬(見IMG_1503)!! 食落又真係幾好味bor, 好香牛油味之餘一種有芒果味, 另一種係香草味, 正! 又等o左好一陣子, 終於都有得食了, 個Seafood Soup味道ok, 但太多菜喇, 同埋d菜唔多好味…個Vegetable Stir賣相麻麻地, 但食落有驚喜呢, 尤其係d雞肉, 幾惹味呢, 但跟呢個菜o既飯就真係麻麻地喇, 又乾又冇味…至於個Seafood Pasta都好creamy好好味, o黎餐埋單803p, 總括o黎講都幾滿意。







另外食緊飯o既時候有隻好嗲o既貓仔, 由頭到尾響我地腳邊走來走去, 又係咁喵喵聲, 一用個相機對住佢佢就會衝過o黎用頭撞我地部相機, 好好笑(IMG_1518 & DSC06857)。



食完o野之後就四圍參觀了, Bee Farm o黎間酒店真係幾特別, 周圍都有好多好有特色o既擺設, 裝飾等, 好多都係自製的, 同埋成間酒店就好似o係個樹林入面咁, 好有田園風味!

餐廳隔離有樓梯落去海邊, o個度有d櫈, 可以對住個無敵海景睇日落(見IMG_1555 ~ IMG_1610), 感覺好舒服!!!







hea左陣就返lobby, 之後有個staff帶我去間對住海o既房度做massage(1hr 500p), 一路做一路聽住海浪聲, 都幾好feel, 阿姐手勢都唔錯, 由天光做到天黑, 6點幾就攪掂, 阿姐幫我準備左杯茶同一樽啡色o既飲料, 杯茶就麻麻地, 樽野我唔敢試, 回過神o黎就發現阿姐已經唔見左, o黎個時候天已經黑齊了, 出到出面黑媽媽, 爭d行錯路呀, 返lobby俾完錢就行手信店, 主打係頭先搽麵包o既醬, 有5種口味, 仲可以試食添(見IMG_1621 ~ IMG_1624), 有2隻綠色, 唔多食得出係咩味...




買完o野之後無啦啦見到有雪糕賣, 買o左個榴槤味(40p), 不過唔好味的…食完之後就去lobby搵職員安排車送我地返Amorita了(300p)。

7點零返到Amorita, 放低d o野之後又落Alona Beach搵食喇! 今晚去o左琴日o個間Jasz隔離o既Hayahay, 見人地話佢d pizza幾好味, 於是我地叫左個Hawaii pizza, 另外仲有German Sausage(德國腸), 3隻大蝦同mango shake(見IMG_1648 ~ IMG_1656), 個pizza ok, 但無想像中咁好味, 唔夠醬, 都係上年去Boracay 食o既Aria好味d, 至於個蝦反而幾好, grill得o黎唔乾, 正!! 而個German Sausage都好好味, 唔通因為係入口貨!?!? 仲有個mango shake都好好味, 好”芒果”, 係全個trip飲過最好味o既mango shake~~~o黎餐埋單840p, 滿意!






食完o係沙灘行o左陣之後就返酒店沖涼訓覺了, 今晚好早訓, 因為早前在Bee Farm已經send o左sms俾今朝個紋身船家, 聽朝6am出海睇海豚!!! 順帶一提, o個o度d人喜歡send sms多過直接對話, 因為send sms平d o瓜, 所以佢地好多時都唔會refill通話分鐘, 只可以用sms同佢地聯絡。


::Album::Travel Log::
http://www.fotop.net/darkside
多謝各位欣賞
::Album::Travel Log::
http://www.fotop.net/darkside
多謝分享!  你個遊記寫得好詳細噃, 張朱古力山相影得又清又靚
反而我自已就幾中意坐船遊"羅白河"E個行程
需然D食物味道就掙小小,但行程幾HEA.

BEE FARM真系好舒服,個個都讚D食物好味.
可惜我無去過.

話時話,你D相好SHARP哦,相信個鏡頭唔平.
原帖由 pacific108 於 2010-1-13 22:37 發表
反而我自已就幾中意坐船遊"羅白河"E個行程
需然D食物味道就掙小小,但行程幾HEA.

BEE FARM真系好舒服,個個都讚D食物好味.
可惜我無去過.

話時話,你D相好SHARP哦,相信個鏡頭唔平.
我怕悶~哈

bee farm d o野食係唔錯, 不過可以期望太大, 又唔係覺得好特出, 可能太多有機o野唔o岩我...

我部只係400d, 唔係咩貴機來的....你d相都好靚丫=)
::Album::Travel Log::
http://www.fotop.net/darkside
返回列表