返回列表 回復 發帖
支持﹗
閑啖甘脆肥膿乃人生樂事
See the world is the essence of life.....
過年后就去越南啦~~~唔該你D信息~絕對既價值~~~~

樓主d相很靚,我都想去玩

樓主,我想四天越南自遊行﹐睇過很多blog有介紹泥角,這個地方玩什麼?還有越南是不是可以滑沙的???

煩請樓主幫忙
樓主既越南遊記真係我近年睇過最好睇既!
好清楚講晒越南有乜好玩,有乜好食,仲鬼死咁吸引!!
一定要push上去俾其他人睇睇!努力樓主!
我而家好想去越南呀!
自問不是討人喜歡的天使,又怎能張開翅膀飛翔呢?

睇完你的遊記, 我都想再去過。 特別係你D美食, 睇到 ,想落街吃越南菜。
咁多人都想去,不如我們組團去坃啦!
虽然吴知几时去.  看看总算顶住瘾先    芽庄/MEKONG DELTA部分, 期待ING.
爱旅行  一个人
Nat Nat Walker
原帖由 HELLOWEI 於 2009-8-29 20:26 發表
樓主,我想四天越南自遊行﹐睇過很多blog有介紹泥角,這個地方玩什麼?還有越南是不是可以滑沙的???

煩請樓主幫忙
Mui Ne =美奈=泥角 是1個可以HEA的度假地方,
由西貢(巴士)->Mui Ne 4小時車程,最晚西貢開20:30(巴士)->Mui Ne 1:30
Mui Ne 可以去白沙丘、紅沙丘、魚村、紅沙溪和神先泉
在沙丘有當地小孩出租滑板滑沙,但最多玩2-3次由下面爬到沙丘頂都氣咳
以上景點均不收門票,租電單車(自駕/坐車尾)就可以去到
還有很長的沙灘,早上看魚民拉网打魚,那些魚獲可即買煮給你吃
沙灘撿7彩貝殼(第1次看到有那麼多種顏色)
下海游水,躺在沙灘椅上叫杯越南涷咖啡,肚皮餓又可以叫東西吃
街上有許多不貴的食店,我發覺當地的米飯特別好吃
臨走在街上買幾枝魚露當手信,當地魚露是全越南最出名
無線電視逢星期日晚上7:00播出的"天賜良源"幾星期前有1集就是講那裡的魚露
第3集 - 火龍果與魚露 http://mytv.tvb.com/foodandtravel/naturalheritage6/8241#page-1
火龍果HK$5/KG
http://hk.myblog.yahoo.com/bunnhk
轉眼就到左第五天,我地晨咁早八點就要出發,皆因今日要去既地方就係我地呢個旅程最後一站既 --- 美奈

唔洗坐大巴,由大叻去美奈只有我地五個人再加多兩個當地人,所以有小巴坐,司機一見有直路就極速行駛﹗我想應該比坐大巴快呱﹗
離開高原地方,一路上開始由凍冰冰變為熱辣辣,感覺何其有趣﹗
八點出發,十二點前就已經到達喇﹗

小巴停在sinh cafe,當然又係入去幫趁既時候﹗
我們book了明天的local tour,由於唔想咁早起身所以索性包團,US 55遊五個景點﹗計番一人都係US 11吧,相當划算﹗

之後截了的士到我地住既resort﹗
Victoria Phan Thirt Beach Resort & SPA,睇書話呢間野攞過大獎架﹗

酒店既服務同環境都相當好﹗
我地揀左HKD 1300一晚的beachside 獨立屋﹗係咪好正呢?

門外有兩張椅子可以飽覽一百八十度海景﹗細細個我已好渴望可以咁樣睇海架喇﹗woo.............

房間超大,之前上網訂我梗係話自己要蜜月套房啦﹗

床上有個Love,呵呵,得我地兩個有吧﹗這是愛.....

蜜月套房有生果送﹗

仲有白酒一支添,岩哂我﹗

廁所在房的另一端,淨係個廁所已經大過大叻住的房間
有浴缸不特止,仲有個圖片前方既露天既沖身處,游完水衝出去沖身話咁易,岩哂鍾意天人合一的我

放低行理就話之你,當然出去吹下海風嘆下啤酒啦﹗咁先係resort嘛﹗

酒店泳池都很大呢﹗不過食家唔曬得太陽所以都係夜晚先游﹗
早上太早起的關係,我曬左陣太陽沖左幾次涼上下網再食0的野就瞓覺,間房太好瞓喇,好舒服呢﹗
睡醒已入夜﹗

晚上拉大隊去了旅遊書介紹的Golden Sand Restaurant
呢度最出名就係炭燒海鮮喇﹗
美奈其實只是一條沿海的大直路,要去邊call的士十五分鐘內必到﹗

來呢度為左佢喇﹗
就係成隻手咁長既虎蝦﹗隻隻都差唔多成半斤重架﹗

先來一個香茅煮花甲,花甲又大隻又多肉,只用海鹽及香茅等吊下味,清甜得令人想成兜食哂佢,吃完本來想再encore的,可惜樓下話已經賣哂了.............好可惜啊﹗

呢間餐廳用竹木搭成,當然就無冷氣啦,熱就熱0的,不過咁樣先令我感覺到自己在旅遊嘛﹗
啤酒不可少﹗

越南是扇貝去到邊到食都係細細隻,要食都係返香港好﹗

炭燒魷魚筒香口而不乾身,夠厚身有咬口,正﹗

蠔很新鮮,即叫即開,烤出來很鮮味﹗

燒魚就無我份啦,不過見佢地成條食哂味道都可知一二﹗

主角來喇,巨蝦
嘩大佬成個碟咁大架,我同食家都講真係未食過咁大隻蝦呢﹗
拆左出來真係成件牛扒咁大,啖啖肉超滋味﹗食完又係想再食多隻,點知又係賣哂..............

兩舊肉加埋就係一個心啦﹗
仲有好幾個餸有牛扒又豬扒等,加加埋埋一0的都唔貴,埋單每人HKD 130左右,真係想長住呢度天天來吃呢﹗

今晚無出去玩,皆因想靜靜浪漫的兩個人享受蜜月白酒
當然係出去房外的露天位啦﹗Set好個位先﹗

我地從未見過天上有咁多星星的﹗

我倆開始有點不捨得越南了,特別是這兒的星星﹗
這夜的白酒特別好喝,因有星星作伴﹗心情亦特別好,談的也特別多呢﹗
這就是我們的第五天.................................
更多美奈靚相:
http://www.facebook.com/album.php?aid=89295&id=632416375&l=b004903986
瞬間就到左旅行既第六天,雖然不捨但仍要投入享受埋呢最後兩天﹗

在resort餐廳吃個早餐,270度海景架,我地仲霸到海景位,睇住個天同個海都唔捨得走呢﹗

比大叻的早餐更美味,未試哂所有食物已經食飽了﹗

我地0係sinh cafe包了車及導遊美奈一天遊﹗有得坐呢0的咁有特色既吉普車呢﹗

第一站是白沙丘,一望無際有如沙漠一樣﹗
如大家有睇雜誌的話,近期開始興既去越南影結婚相就係呢度喇﹗洪欣都係來呢度影架﹗
搭車來時有個小插曲,導遊問我地洗唔洗駛得近一點,咁就唔洗烈日當空行咁遠,不過代價係要每人俾多五十蚊港幣油錢。
聰明的我們當然唔理佢啦,話我地自己行無所謂,最後導遊同司機都無我地乎,仲要跟住我地行足全程添﹗

藍藍的天空襯住黃沙相當美呢﹗
不過真係好鬼熱,一路行一路以為自己是乾蒸燒賣

影番張靚相留念先

之後我地去左紅沙丘

不過其實同第一個白沙丘差不多,其實可以去一個便算,分別不大﹗我地行左五分鐘就叫走了﹗

第三站我地去左美奈漁港
由於是下午時份,漁民已返哂岸上,所以無咩野好睇,不過可以聞陣陣臭臭既曬鹹魚及魚露蝦醬味,相當之惹味..............

之後到左最後一站,神仙泉

要赤腳沿路走,踏在黃泥流水上,記住唔好著鞋去就方便好多﹗

點知一路行一路下著大雨,導遊話俾我地知之前有山泥傾瀉出現過,所以紅峽谷變哂白色﹗
咁鬼大雨行到無心機,都係折返回去喇﹗
Sinh Cafe呢個包團day tour都幾好,除左在白沙丘想呃下我地少少錢之外,其餘時間都好有禮貌同埋用心講解一路景色,英文亦很不錯啊﹗我們一行人都相當滿意,值得推介﹗

行到身水身汗,我地買左紙鳶回resort﹗

好耐無放紙鳶喇,這個下午我們就享受日光

仲有人用貝殼整左兩個心0係沙灘添,等我地都抽下水先﹗
跟住我地去左infinity pool游水,盡情玩個夠﹗

入夜不打算再出去食飯,決定留0係酒店,有US23一餐的海鮮自助燒烤晚餐

未食飯又係層層疊時間,我發現食家的弱點是層層疊,連輸四鋪都敢死﹗手腳異常不協調

自助餐咩都有得食,當然我地重點攻擊既係海鮮啦﹗

烤蝦沒有昨晚咁大隻,不過新鮮彈牙好食﹗

呢晚仲有烤蟹食添,我都係第一次食烤蟹吧﹗很香﹗

炸魷魚筒、大蜆不可少﹗
就係咁我地食海鮮都已經食到飽一飽,仲有人飽到嘔左出來添﹗

現場有live band助興,不過俾0的小朋友爭住搶咪,好想出去打佢地一鑊﹗
雖然係最後一晚,不過食完飯都返房瞓覺,這兒真的很好瞓呢,去旅行咁多次,呢間酒店真係最好,最舒服,一上床即會入睡﹗一百分﹗

第二天早上六點就要起床,因要坐巴士回胡志明,一坐就幾個鐘,瞓得幾好也會累﹗

我們到了不少越南旅遊書及網誌都推介的Quan An Ngon。相信到過胡志明的朋友必知呢間食店在那裡﹗

不過可惜,呢間野都可以話係我地食咁多餐之中最難食的一餐
呢個佢話係椰子蝦,椰子都無個,我地就問待應啦﹗佢話0的蝦浸過椰子就係椰子蝦喎,有冇咁求其呀?

呢個春卷一大陣草青味,味道奇怪得很﹗

釀蝸牛是一堆味道似生竹牛肉的肥肉﹗

呢個唔知咩椰子螺直頭離譜,0的肉又臭又霉,一人一隻已經成碟唔要,同行團友食完仲要即肚痛,可知一二﹗

未夠鐘我地買下手信,同食家一人買左件越南啤酒衫做紀念﹗

開心的時間特別快,返工一個星期度日如年,在旅行中一個星期一轉眼便過,很不捨得

在機場見到有餐廳,為了思念及懷勉,明知俾人呃都要食一碗牛河作結,呢碗野加埋一好似要成百蚊港紙,不過是旦啦,此美味在香港找不到,真係好好食﹗

越南確是一個有特色而美麗的地方,我同食家都熱烈推介大叻及美奈兩個景點,至於胡志明就有點似泰國曼谷,沒有太多新意。
很多人到越南會擔心治安問題,就我所見越南人都幾helpful同埋有禮貌,只要自己小心搭的士,真係無咩好驚(返大陸仲驚啦),我地七日既旅程都無俾人呃過啊﹗
希望有機會可以再到這個美麗的地方再玩多七天就好了﹗

謝謝大家的支持,由於不是經常可以上來此討論區,如各位有咩問題想問我可以去呢度:
http://hk.myblog.yahoo.com/smallsmalllin/index?l=f&id=27
返回列表