返回列表 回復 發帖

關西旅遊資料分享

航空篇

關西只有一個國際空港,就係位於和歌山縣o既關西國際空港。至於內陸機場就不少地方都有,包括大阪、白濱、神戶等等。所以,由香港飛往關西最常用o既都係呢個距離大阪約一小時,京都約1.5小時鐵路車程o既關西國際空港。亦有人選擇由香港飛往中部國際空港(即名古屋)再去關西遊玩;但要留意,雖然乘坐新幹線由中部國際空港去大阪、京都只須約0.5至1小時,但單程車費約須港幣五百多元。

由香港直飛往關西空港o既航空公司唔少;但只有國泰和印航才有早機去和午/晚機返。而又以印航機票票價最平,所以比較難book;至於有網友分享印航service差同delay等問題,就要留待閣下自行判決。

關西國際空港:
http://www.kansai-airport.or.jp/tw/index.asp

(由香港討論區mcmelody同意轉載)

交通篇 - 往返關西空港

交通篇 - 往返關西空港

因為京都,神戶,奈良等熱門旅遊都距離大阪只係約半小時車程;所以,一般去關西旅行o既朋友都喜歡全程住在大阪,以大阪為基地再四出遊覽,免除check-in check-out既不便。當然,若你有很多天會去京都遊覽,咁亦不防搬酒店去京都住幾晚,情况因不同行程而異。

由關西國際空港去大阪市中心可選擇以下方法:
1)乘南海電鐵機場特快至大阪難波:890yen一程,約45分鐘至難波站。適合住宿難波,心齋橋一帶酒店。
2)乘JR關西機場快車至大阪梅田:約65分鐘至大阪站(梅田),適合住宿梅田一帶酒店。
3)乘機場巴士:若有機場巴士直達酒店附近,不失為一個唔錯o既選擇。

由關西國際空港去京都:
1)乘JR特快Haruka至京都站:約75分鐘,29xxyen一程。一般會購買關西JR西日本1 day pass(JR West Rail Pass),2000yen,坐一程Haruka已經回本。JR West Rail Pass可於關西國際空港KAA旅行服務臺,或各JR站綠色窗口(green counter)購買。

關西國際空港交通資訊:
http://www.kansai-airport.or.jp/tw/access/index.html
http://www.kansai-airport.or.jp/tw/access/train/index.html

交通篇 - 關西通行證

交通篇 - 關西通行證Part1

計劃交通可算係關西旅行中最繁複的一part。首先,你手中要有一個關西的交通map在手,才可明白各個景點之間的距離,及哪個景點應該跟哪一個景點group埋同一日遊覽。呢兩個map好好用,大家印佢出o黎睇o左先啦:
http://www.surutto.com/conts/ticket/3daytw/images/en_map2006.pdf
http://www.kotsu.city.osaka.jp/information/station/subway_rosenzu.html

關西有好多pass可以用;但須唔須要買pass,同買邊一種pass絕對視乎自己o既行程而定!所以,大家應該決定o左一個初步行程出o黎,再決定選擇以下邊種pass:

1)Kansai Thru Pass(Surutto):分2日乘車卡(3800yen)和3日乘車卡(5000yen),適合多次往返京都,奈良,姬路,高野山等地,好處係唔須要連續日數使用,又適用於關西除JR以外o既大部份鐵路。此pass仲送唔少旅遊點o既coupon:
http://www.surutto.com/conts/ticket/3daytw/index.html

2)JR關西pass(JR West Rail Pass):分路線型和地區型,一定要連續日數使用:
http://www.kippo.or.jp/travel/support_t/passport/pass.htm

3)大阪周遊卡:分一日券和兩日券,亦附送多處旅遊點o既免費入場券:
http://www.lmaga-kansai.com/cn/index.html

4)京都市巴士,地鐵乘車券:
http://www.city.kyoto.jp/kotsu/ticket/ticket.htm#bus_1day

5)近鐵周遊券:
呢隻pass好少人用,但其實幾抵,適合前往伊勢,鳥羽,松阪,名古屋等地,一定要連續日數使用,只可於日本國外購買:
http://www.knt.co.jp/kokusai/krp/index.html
http://www.kintetsu.co.jp/railway/rosen/A50001.html

另外關西地區私鐵都有唔少pass,搵到適合o既分分鐘慳唔少:

阪急:http://rail.hankyu.co.jp/ticket/index.html

南海電鐵:http://www.nankai.co.jp/ticket/index.html

交通篇 - 關西通行證Part2

交通篇 - 關西通行證Part2

當大家有o左初步行程之後,就可以計算下所須每程交通o既費用來決定買唔買pass;以下係兩個非常好用o既交通網站,只須輸入漢字站名就得:
http://www.ekikara.jp/
http://transit.yahoo.co.jp

以下係一d幾乎一定買pass既例子:
1)關西機場往返京都:JR關西一日pass(2000yen),坐Haruka。
2)大阪/京都往返姬路城:JR關西一日pass(2000yen)或Kansai Thru Pass。
3)大阪/京都往返高野山,和歌山城:Kansai Thru Pass。

其實,若多數時間留大阪市內,其餘時間只去京都,神戶等比較近o既地方,好多時都唔須要買Kansai Thru Pass或JR West Rail Pass。例如:

會住梅田,往:
Day 1:嵐山+京都市內遊(清水寺,祇園,京都伊勢丹)
Day 2:奈良+大阪市內難波,心齋橋shopping
Day 3:神戶,大阪

所須車費:
Day 1:梅田->嵐山:阪急京都線特急390yen,48分
       嵐山->京都站:JR山陰本線230yen,18分
       京都站->清水寺,祇園:京都巴士一日pass 500yen任坐。
       京都站->梅田:JR東海道山陽本線新快速540yen,29分
Day 2:梅田->奈良:JR大和路快速780yen,46分
       奈良->難波:近鉄難波・奈良線快速急行540yen,39分
       難波->梅田:大阪市営御堂筋線230yen,8分
Day 3:梅田->三宮:阪急神戸線特急310yen,27分
       三ノ宮->神戶港:東海道山陽本線新快速120yen,2分
       神戸->梅田:東海道山陽本線新快速390yen,25分

呢個例子,三日total車費只係4030yen;所以,買5000yen Kansai Thru Pass似乎唔多適合,除非你會突然去多幾個景點。

酒店篇

酒店篇

嚮日本預訂酒店非常方便,最常見有以下兩種途陘:
1) 經香港旅行社預訂: 好處係不須自己安排,只要揀好酒店agent就會幫你安排好。但香港旅行社一般唔會有太多日本酒店可供選擇,尤其溫泉酒店就更加少。而且經香港旅行社預訂,通常要預先俾錢,而匯價就由旅行社自己決定。
2) 經網上預訂:好處係選擇非常之多,而且豐儉由人!一般到日本後至俾錢,但亦視乎個別酒店policy而定。但唔少訂日本酒店網站都只有日文website,對抗拒睇日文website既人可能會比較困難。

以下係幾個常用o既日本酒店網站,部份只有日語介面,仲要登記做會員至可book酒店;雖然係咁,但近年已漸多香港人用呢d網站book日本酒店架喇:

1) 東橫Inn (Toyoko Inn):連鎖式商務酒店,嚮日本各大小城市都搵到。雙人房間約7xxx-8xxx yen一晚,已包簡單早餐。房間非常細小,但設備很齊全,而且每間房都有免費LAN線上網,適合帶手提電腦o既人。網上訂房可用中、英、日文,亦唔須要登記做會員。到日本後可考慮apply membership;好處係住10晚會有一晚免費,而且以後可以預早3個月訂房,比其他人早1個月:
http://www.toyoko-inn.com

2)   Super Hotel: 另一連鎖式商務酒店,有時仲平過東橫tim:
http://www.superhotel.co.jp

3)   Jalan: 全日文網站,但酒店選擇非常之多,包括仲平過東橫Inn既business hotel,至5星高級酒店,或各地唔少溫泉酒店。用呢d網站book酒店,分分鐘慳唔少;尤其要留意一d Jalan既獨家promotion。
Jalan網站:http://www.jalan.net
如可登記成為會員:http://piggus.net/japan/post/3/232

4)   樂天: 日文網站,亦有英文版;但英文版酒店選擇比日文版少好多。係Jalan之外另一勁多人用o既日本酒店網站:
http://travel.rakuten.co.jp

http://www.mytrip.net

5)   酒店自己o既網站: 好多日本酒店本身已有網站,通常都可以經酒店網站做booking;有時酒店網站個rate會比Jalan同樂天貴,但有時又平d,所以記住格下價!

因為網上訂房通常唔須要預先俾錢,所以真係好方便,令我地可以嚮出發前更容易更改行程。但就係因為咁方便,大家就要更加珍惜,做一個有誠信o既人;訂o左酒店而又決定唔去o既記得要cancel個booking啊!!

大阪酒店

通常會選擇梅田區酒店,或者難波、心齋橋一帶。住梅田適合時常來住京都、神戶一帶o既人,因為梅田就係去呢兩處地方o既中轉站。梅田區比較多人選擇酒店有大阪第一,新阪急,Granvia等。

我自己就比較鍾意住難波,因為行去坐南海電鐵出機場好近,而行去道頓堀,心齋橋亦只不過約5-10分鐘;反而住心齋橋,拖住行李行十幾分鐘去坐南海電鐵都幾甘。難波都有好多酒店,如比較貴o既Swissotel南海,同平價d既IlCuore;我就多數住呢間Namba Oriental,貪佢房同浴室都夠大,而且經樂天/Jalan可以book到d只係9xxxyen一晚既平plan:



京都酒店

建議住京都站,或烏丸四条附近酒店,出入比較方便。
溫泉篇

鍾意浸溫泉o既,關西絕對係會令你一去再去o既地方,因為整個關西都遍佈出名o既溫泉區!

有馬溫泉

最有名o既關西溫泉,要算係距離只係約一個多小時車程o既有馬溫泉。位於兵庫縣o既有馬溫泉係日本三大著名溫泉之一,裡面o既溫泉因為有礦物質而令泉水似「金」同「銀」色,所以稱為金湯,銀湯,分別有不同療效。



就因為有馬近大阪,所以好適合d逗留關西時間唔耐o既遊客,選擇「日歸」->即係即日來回,只俾浸溫泉費用。除開放俾公眾又非常歷史悠久o既「金の湯」同「銀の湯」之外,其實好多有馬溫泉酒店都有「日歸」,但部份要連一餐料理。可以參考呢度o既介紹:
http://www.arima-onsen.com/chu1/spa.html
http://rail.hankyu.co.jp/ticket/shosai/arimataikou-1.html

當然,除「日歸」之外,時間許可o既話,book個一泊二食plan住一晚就最正!因為有馬溫泉就嚮神戶附近,唔少有馬溫泉夜晚果餐懷石料理仲有神戶牛食tim!有馬最出名o既酒店就係呢間Arima Grand:http://www.arima-gh.jp/
但價錢好貴,一泊二食要港幣約三千幾蚊一日!
想平d既,可以選擇有馬view,住客可使用太閤の湯溫泉樂園:http://www.arima-view.com
最近有朋友住過呢間陵楓閣,一泊二食約二千蚊,交通幾方便:http://www.negiya.jp/

有馬溫泉交通
可於梅田乘阪急巴士直達有馬溫泉站,單程約千三yen:http://bus.hankyu.co.jp/kinki/arima_h.html
或坐阪急/阪神電鐵至三宮,再轉神戶高速/神戶電鐵至有馬溫泉站。

白濱溫泉

位於和歌山縣,日本三大古湯之一o既白濱溫泉距離大阪乘JR約2小時,或乘巴士約3.5小時。小妹覺得白濱有少少似夏威夷o既威基基海灘,白濱o既溫泉酒店幾乎都係浴海而建;所以,大部份酒店都有勁靚海景,部份溫泉更係對住海o既露天風呂!我試過一邊嚮白濱浸住露天溫泉一邊睇日落;果種情景,至今難忘:



雖然白濱比有馬遠,但白濱一般酒店都比有馬平,一泊二食約千幾二千蚊已經有唔錯o既酒店;想再平d,白濱亦有唔少民宿可以選擇。白濱比較有名o既酒店有梅樽溫泉酒店:http://www.seamore.co.jp/

http://www.seamore.co.jp/images/room/roten_men.jpg

佢係用浸梅o既木桶盛溫泉水。梅樽隔籬o既草原の湯就係我一邊浸住露天溫泉一邊睇日落果度:http://www.onsenpark.com/index1.html
我果陣住呢間柳屋都唔錯;間房有靚海景,溫泉出面仲有按摩椅服務:http://www.yanagiya-hotel.jp/



講白濱,又點可以唔提呢個只係三百幾yen入湯費,但就海天一色o既公衆露天溫泉「崎の湯」呢:



其實白濱附近都有好多明勝如三段

飲飲食食

飲飲食食

1. 和牛

日本三大牛之二:神戶牛(三田牛),松阪牛都出自關西;所以,去到關西,你又點可以唔試試世界知名o既和牛?

神戶牛
世界知名o既神戶牛,其實係神戶附近一d牧場(多數係三田飼養,有優良血統o既但馬牛),乎合某個極高標準之後至可稱為神戶牛。所以,食神戶牛o既最佳地方,當然係離大阪只係約半小時鐵路程o既神戶啦!神戶o既三宮,元町站有各式各樣餐聽供應神戶牛;因神戶為外國人聚居o既地方,所以,神戶牛亦係日本同西式文化o既結晶品,通常以西餐方式食用。

要食靚o既神戶牛,價錢一定唔平;蔡瀾介紹過o既飛苑,食炭燒三田牛,但200g三田牛已經賣7000yen;所以食神戶牛都好容易可以食到萬萬聲一人,大家要有心理準備至好!

其實想平d既,好多人o既做法係去食lunch set,通常5-6000yen已有唔錯o既選擇。T V B介紹過o既大井,Lunch set約5500yen,但要預約。另東京都有分店o既三田屋,本店都嚮神戶。想再平d既,可以去呢間Steakland,神戶牛lunch set都係2980yen;但呢間有網友讚,亦有唔少人彈~

我自己就多做去呢間Mouriya,佢個lunch set都幾抵食,4700yen已經有150g既神戶牛set,但一定要預早1日前打電話book位,仲要指明食special lunch至有得平:



松阪牛
食松阪牛最抵食當然係嚮松阪,仲可以順便去松阪d牧場睇下日本人點樣用啤酒同d牛按摩。去唔到松阪o既,嚮大阪都有唔少食松阪牛o既餐廳。呢間:松阪牛燒肉M嚮大阪有幾多分店,價錢唔算好貴,晚餐5000-7000yen都有交易。

大家亦可以嚮大阪睇下有冇燒肉店有呢個認証︰



有呢個認証o既店舖,松阪牛o既質素自然比較有保証;但當然,價錢亦可能貴d!

2. 河豚

大阪佔全國約6%河豚消費量,可謂全國之最;所以嚮大阪,幾乎通街都搵到食河豚o既餐廳。一般河豚料理會包括生熟兩食:剌身以切得越薄,可以見到碟o既圖案為之越正。熟食以火鍋為主,用清湯灼熟河豚肉;食完之後,侍應會將飯放入火鍋,再加酒煮熱成泡飯。咁樣o既一餐河豚料理約5至7000yen一位;值唔值得就見仁見智喇!

大阪一般連鎖或老字號河豚料理店都已有河豚烹調資格,可以放心食用。河豚連鎖店都好多,通常店前都有隻河豚標記:



呢幾間連鎖店都好多人去:太政 玄品 Zuboraya
我自己就去過嚮黑門市場o既浜藤,都唔錯!

3. 京料理
京都菜被稱為「用眼睛品嚐、用耳朵品嚐、用舌頭品嚐」,以做工精美,味道清淡來突出原材料鮮味見稱。

懷石料理
以不使用濃烈的調味品、強烈的辛辣佐料,來保持材料原來風味而見稱的料理。品賞懷石料理o既最佳地方,當然首選京都。但正因為懷石料理選料認真,一餐正宗懷石料理閒閒地要成千元港幣!想平d既,可以選擇懷石午餐。除二、三年坂,四条,祇園一帶o既京料理店舖之外,呢間嚮南禪寺,白川附近o既洛翠,環境唔錯,京會席lunch約5000yen:



湯豆腐
其實所謂湯豆腐,即係將豆腐放嚮煮著熱水o既鍋裡保溫食用,並唔係「豆腐湯」o黎。京都各寺廟,嵐山一帶都有唔少湯豆腐料理店舖;當中以老舖奥丹順正名氣比較大。想經濟d既,清水寺裡面都有檔湯豆腐,用木桶盛裝,幾百yen已有交易:


另嵐山路邊小檔都有好多3xxyen一客湯豆腐同豆腐軟雪糕:



4. 魚生,海鮮

可能大阪食河豚太出名,以至令很多人忽視關西魚,海鮮料理。其實大阪中央市場每朝都有新鮮魚獲由關西各地運到;紀伊半島更加係3面環海,魚獲種類之多和豐富,其實絕對唔比日本其他地方輸蝕。

伊勢海老
亦即係我地口中o既龍蝦,係紀伊半島o既名物。伊勢海老比香港食開o既龍蝦細隻,通常會用o黎刺身或者阪燒。嚮臨海溫泉區如伊勢,鳥羽,志摩,勝浦,白濱一帶尤其多食伊勢海老店舖;溫泉酒店晚餐亦好多會有伊勢海老食。若去開和歌山黑潮市場白濱Toretore市場,不妨買o黎一試:



越前螃蟹
又名椿葉蟹或松葉蟹,只在冬季至有得食;如果冬天去開兵庫縣o既城崎溫泉就千祈唔好錯過:



吞拿魚(鮪)
勝浦同串本都盛產吞拿魚,尤其係勝浦,勝浦漁港更加係全日本吞拿魚產量最多o既魚港之一:


去開勝浦,唔好忘記去勝浦築地試試係果度至有得食o既吞拿魚內臟料理:


和歌山黑潮市場白濱Toretore市場每天都有吞拿魚由串本和勝浦漁港運到,約lunch時分會有湯吞拿魚表演。

5. 大阪市內食店

道頓堀

蟹道樂本店(かに道樂)
門口有大大隻識郁o既蟹招牌,以螃蟹料理見稱,幾乎係香港人必去o既食店。想平d既,可以去食set lunch,2-3千幾yen都有交易!

金龍拉麵
提佢o既原因,只係想叫大家唔好去....嚮難波求其搵一間拉麵店都好食過佢!

燒章魚丸
大阪地道小食之一,嚮道頓堀通街都搵到!除老店本家日本一大たこ之外,另道頓堀極樂商店街7樓仲有間蛸やくし,可以自己燒o既自助章魚丸店,每張檯都有個章魚丸爐頭,好似幾得以咁:



大阪燒餅Okonomiyaki
另一源於大阪o既地道食品,意思係「隨你喜好」;所以,其實燒餅o既材料好多時都係任你自己配搭。通常會用蔬菜,海鮮,肉類等材料;略煎後再加入麵粉漿,最後再加大量醬汁,蔥,沙律醬,木魚絲等等....所以非常飽肚!呢間鶴橋風月都有好多分店。

串家
唔少香港人去,食自助式炸物放題;想去o既記得印coupon。

自由軒


另一大阪名物,專食一種炒得好濕,中間加隻生蛋o既咖哩飯。

黑門市場


其實只係個類似街市咁o既地方,裡面有唔少新鮮食物售賣,如肉類,河豚,生果等等,亦有少量食店。

法善寺橫丁
夫婦善哉

食日本紅豆沙湯丸既店舖,好甜!

魚心壽司
除好多人去過o既梅田本店之外,法善寺橫丁都有分店。我兩間都去過,兩間都覺得唔錯;尤其海膽同魚子壽司,好大碟:


阪急東通商店街
嚮梅田區阪急百貨店東側,非常多食店,所以夜晚勁熱鬧,係住梅田區必去o既食街。

京橋
大阪o既商業區;特別之處,係放工時間會有唔少「屋台」,即係好似香港大排檔咁o既食店。呢間人氣屋台「居酒屋とよ」,圖中呢客海膽魚子壽司聽聞只係2600yen!


6. 搵食Tips
去日本之前,大家不妨去呢幾個日本搵食網站望望,睇下想去o既食店有冇coupon,印定出o黎分分鐘慳唔少!
http://www.gnavi.co.jp
http://gourmet.yahoo.co.jp
http://www.hotpepper.jp
http://www.walkerplus.com/gourmet

季節篇

季節篇

個人覺得,關西一年4季都咁適合旅遊;當中尤其以櫻花季節(約3月尾-4月頭)紅葉季節(約11月尾-12月頭)最多人遊覽。尤其京都,滿開o既櫻花和紅葉加上京都寺廟,實在美得令人流連忘返!櫻花紅葉季節時京都各寺廟更會短期開放夜間參拜,用燈襯托櫻花/紅葉,唔好錯過!


春天(櫻花季節:約3月尾-4月頭)
因為櫻花季節係旅遊大旺季,建議大家預早起碼2個月(或更早)book定機票酒店,而且預留最少2日(或更多)嚮京都遊覽。但櫻花花見時間頗短暫,開花速度亦隨氣溫而變化;所以睇唔睇到滿開,真係好睇運氣!

以下係關西各大賞櫻名所:

清水寺


哲学の道


円山公園


平安神宮




仁和寺


醍醐寺


奈良吉野山


世界文化遺産国宝姫路城


大阪城公園


當然,點可以唔提每年只對外開放一星期o既大阪造幣局桜の通


記得3月開始要留意各花見特集啊:
溜溜步: http://www.rurubu.com/season/spring/sakura
Mapple(有櫻花名所一百選): http://www.mapple.net/sp_sakura
JTB(有各地櫻花現場影像鏡頭!): http://www.jtb.co.jp/season/spring/sakura
雅虎(有京都賞櫻路線): http://sakura.yahoo.co.jp
電視台櫻情報: http://www.fuji-network.com/sakura
日本氣象廳: http://www.jma.go.jp/jma/index.html

夏天

1. 祭典
關西各大祭典都集中嚮夏天,尤其以日本三大祭之二的「祇園祭」同大阪「天神祭」最有名,非常值得參觀!

京都祇園祭

日期:7月1日-31日 - 16日宵山之夜,17日山鉾巡行(花車),24日花傘巡行,31日夏越祓
地點:八坂神社
祭祀活動從7月1日的「吉符入」開始,一直到31日「疫神社夏越祓」而結束。又以17日花車巡行為高潮;當日32座花車會從四條通出發,經過河原町再往御池通。

大阪天神祭

日期:7月24日,25日 - 24日宵宮祭;25日彩船競渡、奉納花火
地點:天滿宮
以7月25日的「陸御渡」和「船御渡」為重心,即陸上巡行和水上彩船巡行。

其他祭典
JTB夏祭り特集 http://www.jtb.co.jp/season/summer/natsumatsuri/
http://www.jnto.go.jp/chc/yokoso/eventlist.html

2. 花火

每逢夏天,日本人喜歡穿上浴衣,去各沙灘、河邊放煙花。夏天關西亦有唔少花火大會,好適合同另一半一同欣賞!

日本各地花火大會情報
http://www.jalan.net/jalan/doc/theme/hanabi/hanabi_index.html
http://www.jtb.co.jp/season/summer/hanabi


秋天(紅葉季節:約11月尾-12月頭)
相比櫻花下o既關西,我其實更喜歡紅葉下o既關西。同櫻花季節一樣,紅葉季節亦係旅遊大旺季;所以建議大家預早起碼2個月(或更早)book定機票酒店,而且預留最少2日(或更多)嚮京都遊覽。

以下係關西各大紅葉名所:

清水寺


嵐山嵯峨野
渡月橋

常寂光寺

天龍寺


東福寺


南禅寺永観堂


総本山光明寺

夜間紅葉參拜資訊
http://www.e-kyoto.net/topics/momiji/night/index.htm

記得11月開始要留意各紅葉前線特集啊:
溜溜步: http://www.rurubu.com/season/autumn/koyo
Mapple: http://www.mapple.net/sp_koyo
JTB: http://www.jtb.co.jp/season/autumn/kouyou
Weathernews: http://weathernews.jp/koyo2006/
Yahoo︰ http://domestic.hotel.travel.yahoo.co.jp/special/kouyou/famous/e.html
Walkerplus: http://www.walkerplus.com/koyo/index.html
日本氣象廳: http://www.jma.go.jp/jma/index.html
返回列表