返回列表 回復 發帖

兩個轆去溫哥華-Okanagan四圍LOOK - Day 4

本帖最後由 EdCottontail 於 2015-4-27 06:06 編輯

唔經唔覺就去到另外一個產酒區喇。Naramata Bench H酒莊密度出咗名好高,加上所種H葡萄品種繁多,可以講得上係百花齊放。聽講呢度每平方公頃H平均地價比 Napa Valley 仲要高,全因為氣侯十分適合種植葡萄,咁今日就等我哋嚟驗証一下。



呢度H環境除咗啱種葡萄之外,踩單車一樣冇得頂。原來條 Kettle Valley Railway Trail 途經 Naramata,可以由 Myra Canyon 直接踩單車落嚟,但係部份路面唔係咁靚,有好多沙石,加上路程遠,一日踩晒會好辛苦。所以領隊話佢哋另外有一團由 Myra 直踩落 Naramata, 但支援車會喺最差H路段之前將客人接上車,免得佢哋H patpat 受罪,而我哋今日就只係踩 Naramata 呢一段路。



好多人成日揾呢段路同 Myra Canyon 比較,我就覺得好唔公平囉,因為佢哋各有各靚。喺呢度有個無敵 Okanagan 湖景,加上可以從高處睇哂個 Penticton 全景,附近又多地方飲飲食食,方便好多。最過癮就係踩車經過d果園時,因為正值蘋果收成期,所以路上兩旁H蘋果樹上都掛滿一個二個又大又紅H蘋果。仲可以幫襯果園主人買番杯清甜到入心H鮮榨蘋果汁飲添,買番 d 係路上食就唔在講啦。






千其唔好話我晒命,但係呢幾日去酒莊歎 lunch 都好似係指定動作咁。踩完車坐係個 outdoor patio 上食個 lunch,飲番杯葡萄酒,享受下陣陣涼風,都唔好話唔爽。







Naramata 的確有好多大大小小H酒莊,各具特色,所以大家試酒都試得好開心。



返回列表