返回列表 回復 發帖

無意中竟然給我遇上她

本帖最後由 carlsberg01 於 2012-5-25 19:35 編輯

小弟想同大家分享一下自己難忘經歷! 話說3月中再一次踏足Bohol, 例牌行程之一租船出海回程由Balicasge去Virgin Island途中. 負責視察海面情況既領航突然向船夫大叫, 我唔知佢講咩, 因為佢講菲律賓話, 然後佢做出一個潛水常用代表鯊魚既手勢, 初頭我地仲以為有d咩危險比鯊魚圍攻之類, 後尾佢係咁用英文同我地講"big fish", 因為我見佢個樣唔係驚而係好興奮, 我心諗唔係咁好彩比我見到鯨鯊嘛, 因今次去之前都見過有湣水人話係alona beach 附近見到鯨鯊, 仲拍咗短片放哂上網, 不過就要係係10幾20米水深之下! 個領航繼續手舞足蹈咁同我講"big fish", 最後終於講得出佢個名 ~~~~~"Whale Shark", 我d朋友仲未知發生緊咩事, 因為佢地完全唔知鯨鯊為何物, 亦都唔知有依種生物生存係依個世界上, 我唔理三七廿一即刻叫佢地攞相機出黎, 個領航係咁叫我戴面鏡同吸管跳落水, 佢自己亦都戴咗一set, 當第一次係我地船底經過既時候, 簡直令我嘆為觀止, 由頭到尾足有一個短貨櫃咁長, 大約20幾呎長, 當時真係興奮到不能影容, 因為真係諗都無諗過係依度都會見到, 跟住條魚第二次係我地隻船旁邊由船尾游向船頭, 個領航係咁叫我跳落去, 但佢自己又唔跳喎, 雖然小弟水性唔算太差啫, 話哂都係大海中心吖, 但係咁難得既機會無理由唔跳落佢嫁, 當條魚游到去我個位置時心諗"死就死啦", 想跳之際比佢個魚頭嚇窒咗, 因為實在太大條, 佢個魚頭成架私家車車頂咁大, 比佢撞一撞都死, 唔撞死都嚇死! 當佢個魚頭游過咗我先敢"蹼通"一聲跳落去, 僅僅先影到一張比較清楚既水底相, 之後可能佢比我嚇親, 跟住就慢慢游走咗! 當我上返船之後附近有一艘潛水店既船經過, 個領航大聲叫過去唔知講咩, 跟住果條潛水船即刻停咗落黎, 見到d人個個係咁跳哂落水搵鯨鯊, 事後諗返我諗係依一個水域見到鯨鯊真係好罕見, 可能係係Moalboal果邊游咗過黎, 第二日我地跟dive shop去discover dive, 同d 潛水教練講返佢地都話我地好好彩, 佢話有個潛水員定係教練之類潛咗差唔多有成一千次都未見過, 唔知真定假! 總結去咗咁多次依個地方, 今次真係最大收獲同難忘!!http://www.flickr.com/photos/50918916@N06/6849644500/in/photostream/
附件: 您所在的用戶組無法下載或查看附件
唔識貼相, 如想睇相請click上面條link
本帖最後由 pacific108 於 2012-6-6 09:46 編輯

真係非常難得又可貴的經驗,
而且仲係在你從沒想到的情況下,見到鯨鯊,那份驚喜肯定來得更强烈.
真係要講聲恭喜你呀.
wah.....you are so lucky
真是好彩,你架船車到甘近這條鯨鯊都唔走!
If you go oslob, u will see 2-3 whale shark maybe more, cause they feed them every morning. @@!
返回列表