返回列表 回復 發帖

11天北漏洞拉之旅

12-22.06.2009



第八
(下)





第七站 Valleyof love (情人谷),裡面好多心心圖型比人拍照,除此之外,他還是一個小朋友遊樂場,就好像以前的荔園,可是他比荔園更殘更舊.






↓ 大家兒時有玩個嗎




↓ 我最鍾意玩的碰碰車


第八站Flowergarden,!睇花真係興趣不大,反而睇d女人擺post影相仲好睇,什麼背對背又或S字型全部都有,睇完都想笑.




由早上8點開車,玩到下午4點散band,包一餐午餐和所有入場費,團費VN$230,000,對於我來說d景點真係無乜大吸引,不過一場來到,點都要去見識吓.散團後就四圍行,諗住行去航空公司問d資料,但我又唔知地址,因今早開車經過時導遊提過吓,於是我段估行過去,點知行錯路,去了一個空地,但就有好多人在放風箏,場面好壯觀,他們有老有小,有一家大細,真是一個好好的娛樂. 睇了一陣又繼續找,終於在4:40pm找到了,可是他們在4:30pm已下班,咁唯有明早再來過.


↓ 好多風箏





之後就看著電視塔行過去,原來幾間出名的酒店就在附近,而且間教堂亦在這附近,當行到教堂時見大門正開,於是便入去八吓兼偷影,因唔知儀式進行中能否影相,而且個門口不斷有人入,所以才要偷影.


↓ 大叻教堂




行吓行吓又回到大叻市場附近,見到有d大排檔,求其找檔食飯,見旁邊的人個鍋好得意,於是我又來一個,原來是一個魚鍋,d魚就唔多掂,個湯亦唔太合我口味,於是我食了一半就放棄,但卻盛為VN$120,000


↓ 唔好吃的魚火鍋



之後就入咗大叻市場買手信,大叻最出名是乾果,果醬和咖啡,所以我都每樣買少少,乾果和香港無乜分別,價錢都唔係超平,至於果醬就未食過,但個出產日期就好近,應該幾新鮮,買完以上手信又回到街上行,四圍都好多人,地攤亦不少,但買的東西多數是冬天衣服,鞋和袋等等,而我就買了2隻老反CD,每隻都只是VN$5,000,之後就見到一間賣咖啡豆的店,一看最貴那款只需VN$14,000/g,!乜平成咁,於是買了2款返香港做手信兼自已享用,這店很小只有2人負責,而剛剛又有幾個阿毛在幫襯,又要磨又要入袋又要封袋口,攪到他們鬼死咁忙,所以我企咁好耐才有人理我.






買完手信就在街邊檔食宵夜,當然又係海鮮啦,但大叻的海鮮就真係麻麻地,我食了2碟野,就要VN$100,00,價錢仲貴過西貢.






食完野就返回酒店休息,原本想打篇blog,點知太累了,打到一半就熄機瞓覺了.這樣就完結了第八天行程.


↓ 中間圖是越南老反CD,d歌都幾好聽

11天北漏洞拉之旅



12-22.06.2009



第九天




今日又要7點起床,第一站要先去航空公司問吓機場巴士的時間表及價錢,點知個電單車司機送了我去另 一合間office,但其實應該是斜對面的booking office 才真,原來真係有巴士出機場,車費只需VN$35,000,比 taxi 平了一大截(taxi要大约VN$300,000),我下午5點機,職員就叫我3點再回去搭車,到時先買車票.

跟著又跟車我來的司機去行半日團,行程由我定,議價後VN$180,000成交,第一站去 Coffee Plantation我開頭以為是參觀咖啡廠,點知是去參觀種了很多咖啡的山頭,嘩!真係好多好多,唔怪之得 Dalat 的咖啡豆咁平啦,而一來一回都差不多2小時.

↓ 咖啡豆


第二站是 Crazy House ,他其實是一間酒店,不過住的人很少,參觀的人就很多,這裡是由一個女建築師自己設計的,每間房都各有特式,沒人住的房,就會開放比人入去參觀,但厠所就會鎖上,入場費盛為VN$16,000 ,而有一些屋就已經拆卸,可能重建罷.

↓ 屋的外型,內含幾個房間


↓ 房間內


第三站是 Railway Station, 這是一個自1928年通車的火車站,現每日只餘數班火車往來附近的鄉村.

↓ 火車站外貌


↓ 火車站內的火車


行完3個景點都成11點,之後我就叫司機車我去買越南咖啡杯,因有朋友托我買,而且我自己都想買一個,點知個司機又車咗我去大叻市場,他在一間賣咖啡豆的門前放低我,我先比完錢就叫個司機先走,因我要在附近行街兼食飯,還相約他2:30pm到酒店會口送我去搭巴士,原來我曾經經過這店,但就沒唯意有我想買的東西,問一問價,最細的一款要VN$15,000一個,於是我就買了4個.

買完杯就去咗2樓的大排檔食野,但越南 memu 邊識睇,唯有見人食乜就手指指,最後指了一碗雞肉湯粉,嘩!勁好味,盛為VN$17,000 ,真係又平又好味.原本想食多碗鴨肉湯粉,可是一次食2碗又太多了,所以最後都無食到.之後再行去買多幾包乾果就回酒店了.

↓ 雞肉湯粉


回到酒店附近,見時間尚早,就去士多飲杯咖啡先,味道很濃甜味又ok,我就很喜歡,坐了20分鐘就走人,返到酒店個職員又唔知同我講乜,因他唔識英文,於是又走去旁邊的店搵人翻譯,原來是問我幾點走人,上房pack完行李,一點就checkout,跟著就去了旁邊的韓國店食野,店內有一個懂英人的女孩,她幫我和酒店溝通,所以我專誠去他的店幫襯,味道麻麻地,但都抵食,一個餐的份量,足夠2個人吃.食完就和她吹吓水,坐到2點3就走人,一出門口就見到個司機,於是就出發去航空公司office等車出機場.

↓ 越式咖啡


由市中心去機場要40分鐘都幾遠,個機場好細,一眼睇晒,check in完就過安檢再上2樓等上機,但2樓只有1號登機門,但我張登機証是2號喎,唔理喇照坐住先,終於要上機了,原來又要落返地面個層,由另一隻門行出停機坪再行路上飛機, 上到飛機附近坐了一家人,2個小朋友各有一部遊戲機,他們由上機打到落機,連起飛和降落時都照打,嘩!他們一d安全常識都沒有,真係恐怖.

↓機場巴士停泊處


↓ 1號登機閘


↓ 停機坪


落機已1750,拿拿聲取行李去搭尾班巴士,上次問過巴士的售票姐姐,她話收6點,等了一陣就見有巴士,伸手揮一揮,他就停在一旁停車兼熄匙,原來尾車是5點,他們的收工時間真的是6點呀.在徬徨之際,有個電單車司機走來兜客,在問價途中又有個taxi佬來兜客,但他身旁就跟著一對英國人及一位日本人,在討價還價時,d司機開天殺價,最後要VN$100,000 一個人,我睬佢都傻,我話這個價 percar,他們話唔得,要20萬盾,最後我拉隊走人去的士站自己搭的士,當然是跳咪標計啦,去到 Phan Ngu Lao St.都只係VN$88,000,每人都只係約HK$10,連那對英國人都話抵.

回到之前住的酒店,他們話無房,攪錯呀,我明明 hold咗都沒有,但這文化亦是這堹S式之一,跟著他們就問附近仲有無房,但好多都 full了,之後就有一個女孩話有房,但就要US$12一晚,我唔肯他就話是大房叫我先睇房,我話得一個人,不需要咁大間房,我只肯比US$10一晚,她開頭死都唔肯減,我亦打算行落一條街搵,大家一路行 一路傾,最後就梗係US$20住2晚成交.哈...哈...又慳咗US$4,而且間房比之先那間仲大仲舒服.

↓ guest house room




安頓後就出發食晚餐,今晚又回到檳城市場外的大掛檔,叫了個梅子炒花甲(4萬)+煎腸(6萬)+炒菜(2萬)+荔枝沙冰(1.2萬)=VN$132,000 ,好在我check 單,他們竟然夠膽死收多我錢.




食飽飽行路返酒店,返到去想上網,點知要password,落樓下問職員,但個password試極都唔得,唯有等明天再問其他人罷,

11天北漏洞拉之旅



12-22.06.2009



第十天




                                                      今日要6:45am起床,因為今早要去一處很遠的地方.落到大堂就問如明早包車出機場要幾錢,他們話US$8 或 VN$144,000,嘩!咁貴.

一落街就搵電單車,講咗我要去的地方,但個司機唔知係邊,於是搵了同伴一同研究,可是兩人都無頭緒,而剛好這時有一個懂英文的美女經過,她幫我用越南話翻譯比個司機知,但個司機要收我VN$15,000,我當然唔肯啦,公價1萬,咪當我唔識,而那個美女可能知道個司機收貴我,她就同司機講了幾句,然後就同我是1萬就可以,於是我就上車往碼頭出發.

去到一個好殘舊的碼頭,用VN$160,000買了票就行過去旁邊上船,而上船的地方,我估是新碼頭,那處有一間屋仔,裡面有2個櫃位售票,應該是唔同公司的,再行入d就有些椅給人坐在等船,而我是即船走,所以一買票就要上船,都沒時間四維影相.船上的座椅是有號碼的,只要根據票上的手寫號碼座便可以,我的位置在最尾的船槍,冷氣比較弱人又多,都唔明點解張船票咁貴都有咁多人,唔通越南人比我想像中富有!

↓ 往頭頓船票  座位111號


今天目的地是頭頓,這地方有一座很出名的耶穌山,而山上就有一座耶穌像,由胡志明市座船要1.5hrs. 落船就諗住買定回程船票,但櫃位姐姐話預售票要橫過馬路過對面買,我見咁麻煩就唔買了,於是又搵部電單車去耶穌山,他開價3萬,我當然還價1萬,他諗一諗就話ok,原來幾分鐘車程就到,今天可能是星期日的關係,好多人,天氣又十分熱,上山又要行約800級樓梯,今早又無吃早餐,真係怕自己會頂唔順.一路行d汗就不斷流,件衫都濕晒,最慘在半路中途掉咗條手巾仔,連汗都無得擦.

↓ 最後一段樓梯


↓ 耶穌像


終於上到山頂已沒了半條命,因天氣真係太熱了,四維影完相就向耶穌進發,在耶穌像腳下有個入口,入內要除鞋,水和袋都不能帶入去,穿短褲亦要過膝,而門外有專人把守,他亦會幫你睇住個包包,我亦親眼見過一名女子穿了超短褲入內被拒絕. 像內第一及第二層有一些圖片展覽,之後就看見一氣很窄的樓梯通往上,人越往上走,條樓梯就越窄,幸好越南人都是瘦瘦的,如遇著個大肥人都唔知點算,當上到耶穌像肩位時,左右兩旁都各有出口,穿出去就是露天的觀景台,亦即站在耶穌的肩胛位置,風景更是一絕,可惜當天真係太過多人,只能站3個人的地方,卻迫了8個人,連轉身的位置都沒有,真攞命.

↓ 入耶穌像的六戎


↓ 耶穌像內的窄樓梯


↓站於耶穌像的肩上


離開耶穌山已11:15am,時間剛剛好,因耶穌像上半場只開到11:30am.之後就沿海邊行返出碼頭兼搵地方吃飯,雖然天氣好熱又好晒,但沿海都有海風,所以都好舒服,但以為幾分鐘車程的路段會很近,點知我行了45分鐘都仲未到,跟著有個電單車司機在兜客,問我有無興趣遊頭頓,我見時間尚早,就問吓價,一開口就要VN$300,000,他都傻傻地當我羊古,最後VN$30,000 成交,講明遊一小時,嘩足足平了10陪價錢. 點知他不斷帶我遊車河,突然天下起大雨,我們便入油站避雨,過了一陣雨便停,我們繼續上路,眼見天上的黑雲愈來愈大,我便提議回碼頭,但因回碼頭之路有舊黑雲,於是司機便駛往另一邊路走,在此時他就話行這邊會遠好多,想我加錢,我梗係扮傻唔理佢啦,誰知他突然停車和我講數,我問佢加幾多,佢話要VN$300,000,我梗係唔肯啦,他減吓減吓要10萬盾,我就話5萬盾,點知佢又肯喎,這時我就好慶,由30萬減到5萬佢都肯,即是當我羊古啦,我最憎人不老實,於是我連5萬都唔肯比,只肯比上車前已議好的3萬盾,他話唔得我就叫佢走,哈佢又唔走喎,我便走過對面馬路,他亦揸車兜過來,吵了一陣後,這時他唔知見我好慶還是見到我手上的刀仔又或是唔想連3萬都收唔到,於是就話3萬盾ok,叫我上車,我見四周都無車唯有上返車,而那把刀仔就一真拿著,好哀唔哀,半路中途又下起大雨,唯有又找地方避雨,大家各企一方,一些交流都無,等了好久,雨稍為細後,我們便繼續上路,去到碼頭我比咗3萬盾便轉頭走人,他雖然不甘心,但都沒我乎.

去到碼頭又即買即走,下午2點離開頭頓,臨返回胡志明市又落大雨,而1.5hrs船程因天雨關係差不多要用上2小時,落船時仍未停雨,便在碼頭的屋仔避一陣,但見雨應該有排都唔會停,而且外面又好塞車,於是選了個有雨衣的電單車司機上車走人.

下午4時,早午餐都未吃,於是就真接去食野,今次又回到老賴羊肉小店,即第三天食羊肉鍋那間,而今日就要試吓他的炭烤,這店最出名是羊乳房,我梗係要試吓啦,另外又叫了一碟羊扒,開頭以為只食2碟野唔會好飽,又無飯落肚,食完才知原來是好飽的.碟羊乳房好嫩,幾好食,至於碟羊扒就好細舊,用來送酒就一流,但唔知點解,這裡的羊肉,一些羶味都沒有,另外有個侍應更教我用米紙包著羊乳房來吃,果然真係無介紹錯.
(羊乳房$60,000+羊扒$60,000+米紙$5,000+汽水+5,000+濕毛巾2,000=VN$132,000)

↓ 早午餐


↓ 炭烤羊乳房



食完又搭電單車回酒店,另外亦問了另一位職員 wifi 密碼,之後便回房休息吓update吓個blog又出街shopping,今次打算行吓Saigon Centre 內的超市,但去到找來找去都搵唔到間超市,唔通closed咗,定還是比本旅遊書"P"了,於是立即轉場,去了Saigon Tax Trade Centre內的超市,因身上還有好多盾,所以今次可盡情購物,而今次主要掃咖啡和札肉,但種類繁多又唔知邊款好,但幸好買咖啡那排貨架卻有專人看守,於是我用身體語言問她邊款好,最後買了2包大即溶咖啡(75小包)+2包咖啡粉+3舊札肉,合共VN$418,200

↓ 3款不同的札肉


↓ 超市買的咖啡


購物完就行去檳城市場外的大排檔食野,途中見到 Kem Ice Cream店,裡面人頭湧湧,於是行過對面樓高3層的店,嘩!一樣咁多人,這裡消費一d都唔平,但都咁多人幫襯,又一次證明越南人的消費能力都好高. 一坐底就有一杯水,而杯水有雲呢拿味,好特別但唔好飲,之後我就點了 Sunkit Ice Cream,睇個名都唔知係乜,原來最底有片蛋糕加一個雪糕球,旁邊就有好小好小乾果和生果,而個雪糕球就唔係話難食,但比起"蝦根打"真係差好遠,這杯野盛為VN$50,000

↓ Sunkit Ice Cream



食完甜品就繼續上路,當行到檳城市場附近的大排檔,想再次食白髮阿毛那檔炭烤海鮮時,竟然無開,咁唯有回酒店附近的大排檔吃罷,求奇上了一架電單車就歸去,連價都無傾,當我落車比1萬盾個司機後,他卻嫌小,我沒理會他轉身就走人.

宵夜食了一碟白灼花甲VN$30,000和一杯冷咖啡VN$7,000,又吃了又平又好啦味的一餐,其實多日來,都見到好多人食鴨仔蛋,仲要一吃就2,3隻咁食,我都曾經問過價,一隻只是VN$5,000 ,但掙扎多日,都無無膽一試.

↓ 宵夜


回到酒店,又問另一個職員明早包車出機場要幾錢,她回答要VN$120,000 ,雖然比早上平咗,但都貴過我自己在街上截 taxi,最後我決定明天自己搭 taxi.  返到房就 pack 行李,差不多 pack好後,才醒起唔記得幫他們影張大合照,於是又拿返晒出來影相,影完又要再 pack過,為了要2手空空上機,不斷把東西左擠右攝,終於都能把所有東西都放進行李喼內.

↓ 11天的戰利品


↓ 迫爆喼

11天北漏洞拉之旅



12-22.06.2009



第十一天




                                                      行程終於來到最後一天,話就話來越南11天,但今日要搭早機返香港,即是午去早返,實質只玩了9天半.但今次個行程我就好滿意,好多野都好順利,想食咗野都食到,想去的地方都去了,但全程駛費就未計,應該比我預算小,因我身上還有美金和盾餘下.

因早機的關係,晨早6點就要起床,梳洗後又要pack返d瞓覺衫和雪櫃內的札肉入喼,攪掂晒就落大堂比錢取回護照就走人,可能昨晚問了租車費出機場但最後又無幫襯,所以d職員面黑黑,再見都無一句,不過算啦,我都走了,唔會計較妳的一句再見. 哈 . . . 哈 . .

↓ Guest House


一出街口就見到有架的士停在路邊,一見我就即刻上前兜生意,話用咪標計,原本我都想上車,但望一望個車身,唉!個電話號碼咁細ge,上網睇過資料,搭的士要搵大公司,即車身會印上大大個電話號碼那種,於是我拒絕了,其實仲有一個不上車的原因,是我要買個法包做早餐,點知左望望右望望都見唔到有法包的檔口,無理由架,昨天早上明明有一檔在街口,但今日竟然無咗.

一路行就一路搵,終於看見有一舖位有法包賣,原來這店除了法包外還有札肉買,早知唔駛去超市買啦,而個法包就求奇指了一舊札肉做餡,包好入袋後就截 taxi 去機場,上到車話去airport,點知個司機唔識聽,嗄. . .唔係化,唯有又要發揮小宇宙,最後個司機終於明白我要去那裡,在車上就梗係食吓個早餐先,嘩 . .嘩 . . 好好味呀,估唔到最後一個法包係咁好食,原來法包係要用札肉做餡才最好吃,而這個咁好味的早餐,只價VN$10,000.

↓ 好好味的札肉法包


沿路都無乜塞車,竟然20分鐘就到,仲等我預1小時車程添,而車費VN$89,000 ,在途上我就見到有幾架車比交通警截停咗,所以我估那邊炒牌都幾利害.

7:25am就到咗機場,check in 櫃位都未開,唯有在離境大堂影吓相再坐咗陣才夠鐘checkin,取過登機證就入閘,第一關竟然是過安檢,但就沒有金屬門,只需把手提行李放入x-ray機做檢查就可以,之後就過Immigration,但他們沒有收起那張離境表格,真係奇怪,再行前少少,又要過多次安檢,今次就要過金屬門,而所有 SI 及 LAG物品,就在此處處理.

↓ 離境大堂


↓ 安檢


↓ 候機室


返到香港臨降落前,架飛機竟然有輕微的左搖右擺,開頭我還以為是風切變,但又唔多似喎,突然  " 隆 "  一聲,架飛機就著地了,嘩!個機司的技術真係嚇死人.

↓ 唔太好吃的飛機餐 - 魚飯
好正呀~ 連價$$都好詳細
對我plan 4or5月個越南之旅好有幫助
不過我無11日甘多~

我之前睇書講古之隧道有得試 實彈射擊, 唔知真定假呢?
Thanks for sharing.................it helps me to plan my 10 days trip in Easter.
我因時間多,所以每地留3日2夜
古芝地道係有實彈射擊,導遊一定會推介.
原帖由 kof3000 於 2010-2-22 02:58 發表
好正呀~ 連價$$都好詳細
對我plan 4or5月個越南之旅好有幫助
不過我無11日甘多~

我之前睇書講古之隧道有得試 實彈射擊, 唔知真定假呢?
你有需要就pm我啦
原帖由 jessicacyy 於 2010-2-22 11:48 發表
Thanks for sharing.................it helps me to plan my 10 days trip in Easter.
Hi, 請問bugdet大概幾多錢? 我地想計下個bugdet(機票除外).  我地plan緊10days economic trip.
你好, 請問你可不可以給我你詳細的行程?? 謝謝啊!
返回列表